პოლონეთის პროკურატურა პრეზიდენტ ლეხ კაჩინსკის თვითმფრინავის ავიაკატასტროფის განზრახ პროვოცირებაში რუს დისპეტჩერებს ადანაშაულებს.

პოლონეთის გენპროკურორის მოადგილის, მარეკ პასიონეკის განცხადებით, საპრეზიდენტო თვითმფრინავის Ту-154-ის ავარიის საქმეზე მტკიცებულებების გამოკვლევის ანალიზი იმის ვარაუდის საფუძველს იძლევა, რომ ავიაკატასტროფაში სმოლენსკის აეროპორტის ავიადისპეტჩერები დაადანაშაულონ.

მარეკა პოშენკას თქმით, ვარშავა უახლოეს მომავალში მოსკოვს ავიადისპეჩერების დასაკითხად იურიდიული დახმარებისთვის მიმართავს.

მისივე თქმით, სადისპეტჩერო კოშკურაზე იმყოფებოდა მესამე ადამიანი, რომლის ვინაობაც ჯერჯერობიც დადგენილი არ არის.

შეგახსენებთ, პოლონეთის პრეზიდენტის ლეხ კაჩინსკის ლაინერი სმოლენსკთან 2010 წლის 10 აპრილს ჩამოვარდა. პოლონეთის ლიდერის გარდა, ავიაკატასტროფის შედეგად ბორტზე მყოფი პოლონეთის დელეგაციის 100 წევრი დაიღუპა.

თვითმფრინავის კატასტროფის რამდენიმე ვერსია არსებობს. ერთ-ერთ ვერსიად რუსი დისპეჩერების დაუდევრობა დასახელდა. ვერსიის თანახმად, მათ, ცუდი ამინდის პირობებში ხილვადობის დონე სათანადოდ ვერ შეაფასეს. რამაც, ეკიპაჟის შეცდომაში შეიყვანეს. მეორე ვერსიით თანახმად, სავარაუდოდ, ლაინერზე აფეთქება მოხდა, რის გამოც თვითმფრინავი ნაწილებად ჰაერშივე დაიშალა.