მოსკოვში, პოლიციამ, სოციალურ ქსელში გაკეთებული მოწოდებს გამო, მანეჟისა და წითელი მოედნები გადაკეტა. უკანასკნელი დღეების განმავლობაში ფეისბუქსა და ტვიტერში ვრცელდება მოწოდება 2 აპრილს მოსკოვის ცენტრში, საპროტესტო აქციის გამართვის თაობაზე. მიუხედავად სამართალდამცავების გაფრთხილებისა, აქცია ამჟამად მაინც მიმდინარეობს. მიტინგი არასანქცირებულია,

რუსეთის შესაბამისი უწყებები იუწყებიან, რომ მოედნები 9 მაისის აღლუმის რეპეტიციის გამო გადაიკეტა.

ტელეკომანია "Дождь"-ის ინფორმაციით, ამჟამად წითელ მოედანზე იმყოფება "ომონი" და გვარდია.

ტელეარხის გავრცელებული ინფორმაციის თანახმად, რუსეთის პროკურატურის მოთხოვნით, იბლოკება სოცქსელების ის გვერდები, სადაც მოწოდებები იწერება. ვრცელდება ინფორმაცია, რომ რუსეთის საგამომძიებლო ორგანოებმა საქმე აღძრეს იმ პირების მიმართ, რომლებიც სოცქსელებში „მასობრივი არეულობებისკენ მოუწოდებდნენ“. დგინდება ყველა იმ პირის ვინაობა, ვინც ამ კამპანიაში იყო ჩართული.