პოლიციამ ქალს თვითმკვლელობის საშუალება არ მისცა. პატიმრის დედამ თვითმკვლელობის განზრახვის შესახებ ადვოკატ მერაბ მირცხულავას აცნობა, მან კი ჟურნალისტებს შეატყობინა, რის შემდეგაც ციხესთან სამართალდამცველები მივიდნენ.

პოლიციასთან ერთად ადგილზე მობილიზებული იყო სახანძრო სამსახური და საპატრულო პოლიცია.
შეგახსენებთ, რომ ზუგდიდის საპყრობილიდან ქუთაისის სასჯელაღსრულების დაწესებულებაში 3 პატიმარი რამდენიმე დღის წინ გადაიყვანეს და მათ პროტესტის ნიშნად შიმშილობა დაიწყეს და ხელები საკნის ნარებზე მიიჭედეს.

პატიმრები და მათი ოჯახის წევრები ისევ ზუგდიდში გადაყვანას ითხოვენ, რადგან მიიჩნევენ, რომ ქუთაისში პატიმრების სიცოცხლეს საფრთხე ემუქრება, ამის დასამტკიცებლად კი წერილები მოჰყავთ, რომლებსაც თითქოსდა პატიმრებს უგზავნიან.