ივანკა ტრამპი აშშ-ს პრეზიდენტის მრჩევლის თანამდებობაზე დაინიშნება

მსოფლიო - 10:30, 30 Mar, 2017

1986

აშშ-ის პრეზიდენტის დონალდ ტრამპის ქალიშვილიივანკა ტრამპი პრეზიდენტის ადმინისტრაციის თანამშრომელი გახდება და ოფიციალურ თანამდებობას მიიღებს. ის დონალდ ტრამპის მრჩევლად დაინიშნება. თუმცა, აღნიშნული სამუშაოს შესრულებისთვი ის ანაზღაურებას არ მიიღებს.

ივანკა რომ მამის მრჩეველი გახდებოდა, ამის შესახებ ცნობილი ჯერ კიდევ 20 მარტს გახდა.

მაშინ, ტრამპის ადმინისტრაციამ განაცხადა, რომ ივანკას თეთრ სახლში საკუთარი სამუშაო კაბინეტი ექნება.

როგორც გამოცემა Politico ივანკას იურისტზე ჯეიმი გორელიკზე დაყრდნობით წერდა, პრეზიდენტის ქალიშვილს წვდომა ექნება საიდუმლო ინფორმაციაზე, ფაქტობრივად ის, პრეზიდენტის მრჩევლის როლს შეასრულებს, ხოლო მისი მთავარი ამოცანა იქნება მამის „თვალები და ყურები“ იყოს.

გავრცელებული ცნობით, ივანკას ოფისი თეთრი სახლის დასავლეთ ფრთაში იქნება, სადაც ოვალური კაბინეტი მდებარეობს.

მიუხედავად იმისა, რომ ივანკა ტრამპს პრეზიდენტის ადმინისტრაციაში და ზოგადად, აშშ-ის ხელისუფლებაში არაბითარ ოფიციალურ თანამდებობას არ იკავებს, მსოფლიო ლიდერებისა და მამამისის შეხვედრებს მუდმივად ესწრება, მათ შორის იყო მოლაპრაკებები კანადის პრემიერ-მინისტრ ჯასტინ ტრუდოსთან და გერმანიის კანცლერ ანგელა მერკელთან.

მისი ადვოკატის თქმით, ივანკას თეთრ სახლში ყოფნა აშშ-ის კანონმდებლობას არ არღვევს და ნეპოტიზმის ნიშნებიც არ არის, რადაგნ ის ოფიციალურ თანამდებობაზე არ იმყოფება და არც ანაზღაურებას იღებს. ადვოკატის თქმით, ის მრჩევლის მოვალეობებს ნებაყოფლობით ასრულებს.

ცოტა ხნის წინ დიდი რეზონანსი მოჰყვა ტრამპის მიერ, მთავარი მრჩევლის თანამდებობაზე საკუთარი სიძის, ივანკას ქმრის , ბიზნესმენ ჯარედ კუშნერის დანიშვნას.

ამ გადაწყვეტილების კრიტიკოსები აცხადებნენ, რომ კუშნერს დიპლომატიური გამოცდილება არ აქვს.

35 წლის ჯერარდ კუშნერი მსხვილი ბიზნესმენია, რომელმაც დველოპერული იმპერია მამისგან მემკვიდრეობით მიიღო.

ითვლება, რომ ტრამპი სიძის შეხედულებებს დიდ პატივს სცემს და რჩევებსაც ითვალისწინებს.

კუშნერი ტრამპის წინასააწრჩევნო კამპანიის ერთ-ერთი ხელმღვანელი იყო. მთავარ მრჩევლად დანიშვნის შემდეგ, ტრამპმა ჯერარდს ისრაელ-პალესტინის კონფლიქტის მოსაგვარებლად მოლპარაკებებშ ჩართვა დაავალა. ტრამპის თქმით, კუშნერი, მართლმადიდებელ ებრაულ ოჯახში გაიზარდა და აღნიშნულ რეგიონსა და ხალხს კარგად იცნობს