ბობ დილანი ნობელის პრემიის მიღებას დათანხმდა

მსოფლიო - 16:35, 29 Mar, 2017

1416

ამერიკელი მუსკოსი, პოეტი ბობ დილანი ნობელის პრემიის კომიტეტს დათანხმდა, პრემია პირადად მიიღოს სტოქჰოლმში, სადაც 1-2 აპრილს კონცერტები აქვს დაგეგმილი.

შვედური აკადემიის განცხადებით, წესების თანახმად, მომღერალი საჯარო ლექციას არ წაიკითხავს, თუმცა პირობა დადო, რომ ვიდეო მონოლოგს გაგზავნის.

ვიდეომიმართვა ბობ დილანმა დეკემბერში ერთხელ უკვა გაუგზავნა კომიტეტს, რომელშიც ამბობს , რომ ნობელის პრემია მისთვის დიდი პატივია.

შეგახსენებთ, 13 ოქტომბერს ლიტერატურის დარგში ნობელის პრემია ლეგენდარულმა მომღერალმა და მწერალმა ბობ დილანმა მოიპოვა. ნობელის კომიტეტის წევრების შეფასებით "დილანმა ამერიკული სიმღერის ტრადიციებთან ერთად, პოეზიის ახალი სახე შექმნა."

რამდენიმე დღე ნობელის პრემიის კომიტეტი ბობდ დილანს ვერ უკავშირდებოდა, მუსიკოსი მათ ზარებს არ პასუხობდა. მოგვიანებით კომიტეტმა განაცხადა, რომ დილანთან დაკავშირება მოხერხდა, თუმცა მომღერალი საქმეების გამო დაჯილდოებას ვერ დაესწრებოდა.

ნობელის პრემიის დაჯილდოების ცერემონიალი 10 დეკემბერს, სტოკჰოლმში გაიმართა.

ბობ დილანი ნობელის პირველი გამარჯვებული გახდა ლიტერატურის დარგში, რომელსაც პრემია მუსიკალური ტექსტებისთვის გადაეცა.