„ჩემი ცოლის დაქალების“ მსახიობი ანა ტყებუჩავა, მისი გმირის მსგავსად რეალურ ცხოვრებაშიც ორსულადაა. თუმცა სერიალისგან განსხვავებით სადაც ის მეხუთე შვილის მოლოდინშია, რეალობაში მეორე შვილს ელოდება:

"რეალურ ცხოვრებაში მეორე შვილს ველოდები. ყველაფერი დაგეგმილად ცივილურად მოხდა. ცოტა კი მეშინია რაღაცეების დაგეგმვის, მაგრამ საბოლოო ჯამში მაინც ასე ვამჯობინეთ. ისევ გოგოს ველოდებით. ნენეს და ეყოლება. როცა ასეთ მნიშვნელოვან ცვლილებას გეგმავ, როგორიც ორსულობაა, რა თქმა უნდა, გუნდთან რაღაცეები უნდა შეათანხმო. როცა მე და ჩემმა მეუღლემ გადავწყვიტეთ, რომ მეორე შვილიც გვინდოდა, სეზონის დამტავრების შემდეგ პროდიუსერ ირაკლი საღინაძეს ვუთხარი, ასეთი გეგმა მაქვს და რამდენად შეიძლება ნინაც ორსულად იყოს მეთქი. არ არის პრობლემაო, მიპასუხა და მასაც და ქეთი დევდარიანსაც ძალიან გაუხარდათ. მოკლედ სერიალში ამის თადარიგი დავიჭირეთ", - განაცხადა ანა ტყებუჩავამ.

წყარო „სარკე“