ვიტილიგო — კანის დაავადება, დერმატოზი, რომელიც გამოწვეულია კანის პიგმენტაციის პროცესის დარღვევით. კანზე წარმოიქმნება დეპიგმენტური ლაქები.დაავადების მიმდინარეობისას კანის სხვადასხვა უბანზე თანდათანობით ჩნდება დეპიგმენტირებული ლაქები, რომლებიც მიდრეკილნი არიან ზრდისა და შერწყმისაკენ. დაავადება შეიძლება გამოვლინდეს ნებისმიერ ასაკში და ის გადამდები არ არის, თუმცა საზოგადოებაში არსებული არასაკმარისი ცოდნის გამო, ვიტილიგოს მქონე ადამიანებს გაურბიან, რაც მათ დისკომფროტს უქმნის.

თუმცა, არიან ადამიენები, რომლებმაც საკუთარ დაავადებასთან ერთად სრულყოფილ ცხოვრებას სწავლობენ. ერთ-ერთი ყველაზე ცნობილი , მოდელი ვინი ჰარლოუა.

თუმცა, დღეს ეშლი სოტოზე მოგიყვებით, რომელმაც ვიტილიგოს დაავადება ხელოვნების ნიმუშად აქცია.

ეშლი 12 წლის იყო, როდესაც კანზე ლაქები აღმოაჩინა და მალევე მისი სხეულის 75%-ს მოედო. გოგონა თანატოლების დაცინვის მსხვერპლი გახდა, ხელებს გრძელმკლავიანი ტანასმცლით მალავდა.

მისი თქმით, დიდი ძალისხმევა დასჭირდა იმისთვის, რომ საკუთარი თავი ისეთი მიეღო, როგორიც არის.

ახლა ეშლი 21 წლის არის და საკუთარი სხეულით ხელოვნების ნამდვილ შედევრებს ქმნის.

ეშლიმ საუკეთესო გამოსავალი იპოვა. სხეულზე არსებული ლაქები სხვადასხვა ფერის კონტურებით შემოხადა და ვიტილიგო მსოფლიო რუკად აქცია.

ეშლი ამბობს, რომ ის ნათელი მაგალითია იმისა, რომ პრობლემები გონებიდან იწყება. გოგონას თქმით, მაშინ , როდესაც საკუთარ დაავადებას გაურბოდა და ეშინოდა, თავს საშინლად გრძნობდა, მაგრამ მას შემდეგ , რაც საკუთარი კანი ისეთი მიიღო, როგორიც არის, პრობლემებიც მოგვარდა.