საფრანგეთის პრეზიდენტობის კანდიდატის, „ეროვნული ფრონტის“ ლიდერის მარინ ლე პენი განცხადებით, ევროკავშირი მალე მოკვდება, რადნა ის ხალხს აღარ სჭირდება.

ამის შესახებ ლე პენმა ქალაქ ლილში გამართულ წინასაარჩევნო მიტინგზე განაცხადა.

„ევროკავშირი მოკვდება , ის ხალხს აღარ სჭირდება” - განაცხადა ლე პენმა.

დრო მოვიდა, გლობალისტებზე გავიმარჯვოთ. მოვუწოდებ ყველა პატრიოტს ჩვენი დროშის ქვეშ გაერთიანდეს. ჩვენ შევცვლით ევროპას, ვინაიდან ევროპულ იდეას ზიანს აყენებენ ეს ფედერალისტი მესაფლავეები“ - განაცხადა მარინ ლე პენმა.

მისი თქმით, საპრეზიდენტო არჩევნებში გამარჯვების შემთხვევაში , ექვსი თვის განმავლობაში ის საფრანგეთის ევროკავშირიდან გასვლის თაობაზე რეფერენდუმს ჩაატარებს.

მისი თქმით, თუ ფრანგები მხარს არ დაუჭერენ საფრანგეთის ევროკავშირიდან გასვლას, ის თანამდებობას დატოვებს.
საფრანგეთის საპრეზიდენტო არჩევნების პირველი ტური 23 აპრილს, ხოლო მეორე ტური 7 მაისს გაიმართება.

წინასწარი გამოკითხვების თანახმად, მარინ ლე პენი არჩევნების მეორე ტურში გადავა.