ნიგერიელი ბიჭის დაუჯერებელი ისტორია, რომელიც ორ ფოტოზე აისახა

ეს საინტერესოა - 11:22, 27 Mar, 2017

18173

"კუდიანად" შერაცხული ნიგერიელი ბიჭის შესახებ სიახლეებს, მსოფლიოს თითქმის ყველა კუთხეში დიდი ინტერესით ელიან. მას შემდეგ, რაც ცნობილი გახდა, რომ ის საკუთარმა ოჯახმა სასიკვდილოდ გაიმეტა, პატარა ბიჭუნას ბევრი გულშემატკივარი გამოუჩნდა.
2016 წლის თებერვალში, "აფრიკელი ბავშვების სამედიცინო განათლების და განვითარების ფონდის" დამაარსებელმა, დანიელმა ანია რინგერენმა ნიგერიის ერთ-ერთ სოფელში, სასიკვდილოდ განწირული 2 წლის ბიჭი იპოვა. როგორც გაირკვა, ოჯახმა მასზე უარი მხოლოდ იმიტომ თქვა , რომ ჩათვალა, ბიჭუნა კუდიანი იყო. ბავშვი რვა თვის მანძილზე გამვლელების გადაგდებული ნარჩენებით იკვებებოდა. ბიჭუნა შიმშილისგან ძალიან გახდა, მისი სხეული სხვადასხვა მღრღნელებისა და მწერებისგან იყო დაკბენილი. ლოვენმა ბიჭს წყალი დაალევინა, შემდეგ კი, პლედში გაახვია და უახლოეს საავადმყოფოში წაიყვანა. ბიჭუნა გადარჩა, მას ჰოუფი (იმედი) დაარქვეს.

რამდენიმე თვეში ლოვენმა გამოჯანმრთელებული ჰოუფის ფოტოები სოციალურ ქსელში გამოაქვეყნა და დაწერა, რომ ჰოუფი , გამოჯანმრთელდა და აქტიურ ცხოვრებას დაუბრუნდა. ამის შესახებ სოციალურ ქსელში გამოქვეყნებული ახალი ფოტოები მეტყველებს.

ზუსტად ერთი წლის შემდეგ კი ლოვენმა ცნობილი ფოტო გააცოცხლა , რომელზეც ანია მას ისევ წყალს ასმევს, უბრალოს იმ განსხვავებით, რომ ბედნიერი და ჯანმრთელი ბიჭუნა სკოლაში მიდის.

ანია ლოვენი "აფრიკელი ბავშვების სამედიცინო განათლების და განვითარების ფონდის" დამაარსებელია. რომელიც იმ ბავშვებს ეხმარება რომლებსაც კუდიანს უწოდებენ და სახლიდან აგდებენ, ხშირად კი კლავენ კიდეც. ასეთი შემთხვევები ნიგერიაში, სამწუხაროდ ხშირია.