საფრანგეთის პრეზიდენტობის კანდიდატი, „ეროვნული ფრონტის“ ლიდერი მარინ ლე პენი მოსკოვში ვლადიმირ პუტინს შეხვდა.

პუტინმა აღნიშნა, რომ რუსეთი დიდ მნიშვნელობას ანიჭებს საფრანგეთთან ურთიერთობებს და ვცდილობს თანაბარი ურთიერთობები ჰქონდეს, როგორც მოქმედი ხელისუფლების, ასევე ოპოზიციის წარმომადგენლებთან, თუმცა დაგეგმილ საპრეზიდენტო არჩევნებზე ჩარევის სურვილი არ აქვს.

„ჩვენ არანაირად არ გვსურს საფრანგეთის საპრეზიდენტო არჩევნებზე გავლენა მოვახდინოთ, მაგრამ უფლებას ვიტოვებთ, ვეკონტაქტოთ საფრანგეთის პოლიტიკური ძალის ყველა წარმომადგენელს, ისევე როგორც ამას ჩვენი პარტნიორები აკეთებენ მაგალითად, ევროპაში, აშშ-ში“ - განაცხადა პუტინმა.