სოციალ-დემოკრატიული პარტიის რიგგარეშე ყრილობაზე შულცის კანდიდატურა ერთხმად აირჩიეს. ბუნდესტაგის არჩევნები სექტემბერშია დანიშნული.
გამარჯვების შემთხვევაში, მარტინ შულცმა პოპულიზმის წინააღმდეგ ბრძოლის პირობა დადო. ყრილობაზე სიტყვით გამოსვლისას, მან ევროკსეპტიკოსები და დონალდ ტრამპის რასისტული პოლიტიკა გააკრიტიკა.
ამავდროულად, 61 წლის შულცი არჩეულია გერმანიის სოციალ-დემოკრატიული პარტიის თავმჯდომარედ, რომელმაც ამ თანამდებობაზე ზიგმარ გაბრიელი შეცვალა. პარტიის თავმჯდოამრეობის პოსტზე შულცი ერთადერთი კანდიდატურა იყო. მან 100%-იანი მხარდაჭერა მოიპოვა - ომისშემდგომ პერიოდში, მსგავსი რამ სოციალ-დემოკრატების ისტორიაში არ მომხდარა.
მარტინ შულცი ევროპის პარლამენტის წევრია 1994 წლიდა. 2012 წლის 17 იანვრიდან 2016 წლის 17 იანვრამდე ევროპარლამენტის პრეზიდენტის პოსტს იკავებდა.
მასალის გამოყენების პირობები






