თეთრი სახლის დაცვის თანამშრომლებმა დააკავეს ადამიანი, რომელიც თეთრი სახლის აფეთქებით იმუქრებოდა. იგი აცხადებდა, რომ მის ავტომანქანაში დამონტაჟებული აქვს ასაფეთქებელი მოწყობილობა.

სამართალდამცავებმა დაკავებულის ავტომანქანაში ბომბი ვერ აღმოაჩინეს თუმცა, ინციდენტის შემდეგ უსაფრთხოების ზომები გამკაცრდა, მიმდებარე ქუჩები გადაიკეტა და ტერიტორიაზე მდგარი ავტომობილების შემოწმება მიმდინარეობს.

შეგახსენებთ, რომ რამდენიმე დღის წინ თეთრი სახლის დაცვის თანამშრომლებმა დააკავეს კაცი, რომელიც ამერიკის პრეზიდენტის რეზიდენციაში შეღწევას ცდილობდა.