ჩრდილოეთ კორეამ ახალი რაკეტის ძრავა გამოსცადა. BBC-ის ცნობით, კიმ ჩენ ინმა განაცხადა, რომ ეს არის ჩრდილოეთ კორეის ახალი სამხედრო ინდუსტრის დაბადება. მისივე თქმით, ამ ძრავის საშუალებით ფხენიანი შესძლებს მსოფლიო კლასის თანამგზავრები გაუშვას. მისივე განცხადებით, ჩრდილოეთ კორეა მალე საკონტინენტთაშორისო ბალისტიკურ რაკეტას გამოსცდის, რომელსაც ექსპერტები აშშ-ის წინააღმდეგ ახალ მუქარას უწოდებენ.

გასულ კვირას ჩრდილოეთ კორეამ 4 ბალისტიკური რაკეტა გამოსცადა და ამას იაპონიაში, ამერიკულ ბაზებზე შესაძლო თავდასხმის რეპეტიცია უწოდა. ფხენიანის ქმედებები საერთაშორისო საზოგადოებამ დაგმო, აშშ-მა და იაპონიამ კი გაეროს უშიშროების საბჭოს მოწვევა მოითხოვეს. ამ საკითხთან დაკავშირებით, აშშ-ს პრეზიდენტმა დონალდ ტრამპმა განაცხადა, რომ რეგიონი „საშიშროების ახალ დონეზე“ გადავიდა.