"ეროვნული ფრონტი" 17 მაისის კონტრაქციის ორგანიზატორობას თავის თავზე იღებს

საზოგადოება - 16:10, 03 Jun, 2013

873

"ნიუპოსტი" მიმართვას უცვლელად გთავაზობთ:

,,რამდენიმე დღის წინ თბილისის საქალაქო სასამართლომ საქართველოს მართლმადიდებელი ეკლესიის ორ სასულიერო პირს სამების ტაძრის არქიმანდრიტს, მამა ანთიმოზ (თამაზ) ბიჩინაშვილსა და იოანე-თორნიკე ერისთავის სახელობის დედათა მონასტრის იღუმენს, მამა იოთამ (ირაკლი) ბასილაიას წაუყენა ბრალი, თითქოს მათ ორგანიზება გაუწიეს არასამთავრობო ორგანიზაცია "იდენტობის" მიერ 17 მაისს დაგე...გმილი აქციის საპირისპირო აქციას.

მე, ევგენი მიქელაძე, საქართველოს მოქალაქე და ქართველ პატრიოტთა არასამთავრობო ორგანიზაცია "ეროვნული ფრონტის" ხელმძღვანელი, სრული პასუხისმგებლობით ვაცხადებ, რომ საქართველოს პარლამენტის წინ მშვიდობიანი კონტრააქცია აპრილის ბოლოს დავაანონსე პირადად მე და საქართველოს მოქალაქეებს მოვუწოდებდი სოციალური ქსელის და სხვადასხვა მედია საშუალების გზით 17 მაისს დილის 9 საათიდან შევკრებილიყავით საქართველოს პარლამენტის ყოფილი შენობის წინ და მშვიდობიანი გზით მოგვეთხოვა ხელისუფლებისგან საკანონმდებლო დონეზე აკრძალულიყო სექსუალურ უკუღმართობათა პროპაგანდა და აგიტაცა. მსგავსი მშვიდობიანი კონტრაქციების ჩატარების უფლება საქართველოს კონსტიტუციით არის გარანტირებული და მასში არაფერია უკანონო. საზოგადოებრივი წესრიგის დაცვა კი, მათ შორის, პროვოკატორებისგან, სამართალდამცავთა პრეროგატივა და ვალდებულებაა.

ამავე დროს, დეკანოზ თეოდორე გიგნაძის განცხადებით, ის გახლდათ სახელმწიფო ფილარმონიის ტერიტორიიდან დაწყებული მსვლელობის ორგანიზატორი.

მინდა აქვე აღვნიშნო, რომ ხსენებული მოთხოვნა ლგბტ პროპაგანდის საკანონმდებლო დონეზე აკრძალვის შესახებ დღესაც ძალაშია და სხვადასხვა საზოგადოებრივი ჯგუფი, არასამთავრობო ორგანიზაცია თუ პოლიტიკური პარტია გეგმავს მთელი რიგი პროცედურული ნაბიჯების გადადგმას ამ საკანონმდებლო ცვლილების მისაღებად და დასამკვიდრებლად.

ყოველივე ზემოთქმულის საფუძველზე ვაცხადებ, რომ ხსენებული სასულიერო პირებისთვის წაყენებული ბრალდება ყოვლად უსაფუძვლო და ხელოვნურია და იქმნება შთაბეჭდილება, რომ ეს გადაწყვეტილება შიდა თუ გარე არაკეთილმოსურნე ძალების დაკვეთის აღსრულებას ისახავს მიზნად.

კიდევ ერთხელ ვიმეორებ, აღნიშნულ სასულიერო პირებს არაფერი აქვთ საერთო 17 მაისის კონტრაქციის ორგანიზებასთან და მზად ვარ, საჭიროების შემთხვევაში, გამოძიების შესაბამის კითხვებს ვუპასუხო.
ევგენი მიქელაძე"ეროვნული ფრონტის" გამგეობის თავმჯდომარე"- ნათქვამია განცხადებაში.