ინდოეთში ყველაზე ფერადი ფესტივალი აღნიშნეს - ჰოლის ტრადიციები და ისტორია (ფოტოკოლაჟი)

ეს საინტერესოა - 13:31, 02 Mar, 2018

7781

ინდოეთი ყველაზე ფერად და ლამაზ ფესტივალს კიდევ ერთხელ მასნპინძლობს.

1-2 მარტს ინდოეთში გაზაფხულის ფესტივალი ჰოლი(Holi) ტარდება/

ფესტივალი, რომელიც ყოველწლიურად ტარდება, სრულიად თავისუფალია სოციალური ნორმებისგან. გაზაფხულის დადგომას, ფერადი საღებავებითა და შეღებილი წყლით, ყველა ერთად აღნიშნავს განურჩევლად კასტისა, სოციალური ფენისა , რელიგიური შეხედულებისა და სქესისა. ხალხი ერთმანეთს ბედნიერებას, ჯანმრთელობას და ნაყოფიერებას უსურვებს, სურვილს კი სახეზე საღებავის წასმით გამოხატავს.

ფესტივალი გაზაფხულის დასაწყისში, თებერვლის ბოლოს ან მარტის დასაწყისში ტარდება და ორი -სამი დღე გრძლდება. ჰინდუს კალენდრით, ჰოლი სავსე მთვარეს ემთხვევა.

დღესასწაულის პირველ დღეს, ცეცხლზე უზარმაზარ საფრთხობელას ან მორთულ ხეს წვავენ, როგორც ბოროტების სიმბოლოს. მეორე (დჰალუნდი) და მესამე დღეს კი ქუჩებში სეირნობენ და ერთმანეთს ფერადი ფხვნილით ღებავენ. დღესასწაულის კიდევ ერთ ატრიბუტს სასმელი ტანდაუ და მუსიკა წარმოადგენს.

დღესასწაულის წარმოშობის რამდენიმე ვერსია არსებობს, რომლებიც ინდოეთის სხვადასხა რეგიონებს უკავშირდება.

ერთ-ერთი უძველესი ვერსიით, ინდური ლეგენდის თანახმად, შივამ თავისი მესამე თვალით სიყვარულის ღმერთი კამა ფერფლად აქცია, რომელიც მის მედიტაციიდან გამოყვანას ცდილობდა, რის შემდეგაც ის უსხეულოდ დარჩა. მაგრამ შივას ცოლის პარვატისადა კამას ცოლის ქალღმერთ რატის თხოვნით შივამ კამას დაუბრუნა სხეული, მაგრამ წელიწადში მხოლოდ სამი თვით. როდესაც კამა იბრუნებს სხეულს ყველაფერი ფერადდება და ყვავის .

მეორე ვერსიით, სახელწოდება ჰოლი წარმოიშვა დემონი ჰოლიკას სახელიდან. გოროზი მეფის ძე – პრახლადა თაყვანს სცემდა ვიშნას და ამაზე უარის თქმას არ აპირებდა. ხელმწიფის დამ – დემონმა ჰოლიკამ, რომელიც ლეგენდის თანახმად ცეცხლში არ იწვებოდა, პრახლადა დაიყოლია კოცონში შესულიყო. თუმცა, პრახლადა ცეცხლიდან უვნებელი გამოვიდა, ჰოლიკა კი დაიწვა. სწორედ, ამიტომ წვავენ დღესასწაულის პირველ დღეს ჰოლიკას გამოსახულებას.

იმ რეგიონში, რომელიც ჰინდუს ღვთაების კრიშნას საცხოვრელად ითვლება, ჰოლის აღნიშნავენ, როგორც სიყვარულის ფესტივალს, რომელსაც კრიშნასადმი რადჰას სიყვარული უდევს საფუძლად. ლეგენდის თანახმად, კრიშნას ლურჯი კანის ფერი ჰქონდა, რადგან ჩვილობისას ის დემონმა პუტანამ დედის რძით მოწამლა. ახალგაზრდობაში კრიშნა დარდობდა, რომ მისი კანის ფერის გამო, ის არც რადჰას არც სხვას არავის შეუყვარდებოდა. კრიშნას დედამ შვილის ტანჯვას ვერ გაუძლოა და რადჰას სთხოვა, სახე ნებისმიერი ფერის საღებავით შეეღება. ამის კრიშნა და რადჰა წყვილი გახდა.

ჰოლის სხვადასხვა სახელწოდება აქვს და ინდოეთის გარდა მას აღნიშნავენ, ნეპალში, პაკისტანში, ფიჯიზე, მავრიტანიაში, გაიანაში, ტრინიდადი და ტობაგოში და ა.შ.

წლევანდელი ჰოლი ინდოეთში ასე აღნიშნეს: