დედოფალი ელისაბედ მეორე ყოველთვის ღიმილით ხვდება საზოგადოებას თუ სტუმრებს სხვადასხვა წვეულებებზე. შესაძლოა ამან გვაფიქრებინოს, რომ დედოფალი ყოველთვის ღიმილიან განწყობაზეა.

ისიც მარტივად შესამჩნევია, რომ დედოფალს ყოველთვის დააქვს ხელჩანთები. სამეფო ბიოგრაფმა სალი ბედელ სმიტმა ეს ყოველივე კი ძალიან საინტერესოდ გაშიფრა.

იგი მიიჩნევს, რომ ელისაბედ მეორე ჩანთების მეშვეობით საიდუმლო მესიჯებს უგზავნის მომსახურე პერსონალს. მაგალითად:

აუცილებლად უნდა აგაღელვოთ იმ მომენტმა, თუ დედოფალთან საუბრისას მან საკუთარი ხელჩანთა ერთი ხელიდან მეორეში გადაიტანა, ეს იმას ნიშნავს, რომ დედოფალი მზად არის დაასრულოს მიმდინარე საუბარი. ამ დროს, კი მომსახურე პერსონალიდან ვინმე უნდა მივიდეს და სტუმარს უთხრას მსგავსი ფრაზა: „სერ, არიქეპისკოპოსი მოხარული იქნება თქვენი ნახვის“.

თუ დედოფალმა ვახშმობის პროცესში ხელჩანთა მაგიდაზე დადო, ეს ნიშნავს იმას, რომ მას სურს წვეულება მომავალ ხუთ წუთში დასრულდეს, ხოლო თუ მან ჩანთა დაბლა დადო, ეს მიუთითებს იმისკენ, რომ დედოფლისთვის უსიამოვნოა ესა თუ ის საუბარი და სასწრაფოდ სურს მოსასვენებელ ოთახში გასვლა.

ყველაზე ტრაგიკული კი არის ის, თუ დედოფალი თითზე მეორე ხელით ბეჭედს ატრიალებს, მომსახურე პერსონალმა იგი სხვადასხვა სიტუაციებიდან სასწრაფოდ უნდა იხსნას.