ევროპული სასამართლო დამსაქმებლებს ბურკის აკრძალვის უფლებას ანიჭებს

მსოფლიო - 14:58, 14 Mar, 2017

2296

ევროპული სასამართლოს გადაწყვეტილებით, კომპანიებს შეუძლიათ თანამშრომლებს აუკრძალონ ისლამური თავსაბურავისა და სხვა რელიგიური სიმბოლოების ტარება.

ამის შესახებ "ტელეგრაფი" იტყობინება. გამოცემის ცნობით, სამუშაო ადგილზე მუსულმანი ქალების მიერ ჰიჯაბის ტარების საკითხზე აღნიშნული სახით სამართლებრივი დავა, პირველია.

„ორგანიზაციის შინაგანაწესი, რომელიც კრძალავს პოლიტიკური, ფილოსოფიური ან რელიგიური სიმბოლოების ტარებას, არ წარმოადგენს უშუალო დისკრიმინაციას“ - ნათქვამია სასამართლოს განცხადებაში.

აღნიშნულ საკითხზე, ბელგიიდან და საფრანგეთიდან ორმა დასაქმებულმა ევროკავშირის სასამართლოში სარჩელი მას შემდეგ შეიტანა, რაც სამსახურიდან თავსაბურავის ტარებაზე უარის თქმის შემდეგ დაითხოვეს.

ბელგიელი ქალი კომპანია G4S Secure Solutions-ში მისაღებში მუშაობდა, რომელსაც შინაგანაწესის თანახმად, აკრძალული აქვს აშკარა რელიგიური ან პოლიტიკური სიმბოლოების ტარება, ხოლო ფრანგი მოსარჩელე ინფორმაციული ტექნოლოგიების სფეროში კონსულტანტია, რომელსაც სთხოვეს თავსაბურავის ტარებაზე უარის თქმა მას შემდეგ, რაც კლიენტმა უკმაყოფილობა გამოთქვა.

სასამართლო დავა 2006 წელს დაიწყო თავდაპირველად ეფუძებოდა „დაუწერელ წესს“ თანამშრომლებისთვსის თავიანთი პოლიტიკური, ფილოსოფიური თუ რელიგიური შეხედულებების აკრძალვაზე ,მაგრამ კომპანიამ შინაგანაწესი განაახლა მას შემდეგ, რაც ქალმა ჰიჯაბის ტარება დაიწყო.

„თუმცა, თუკი ასეთი წესი არ არსებობს, დამსაქმებლის სურვილი გაითვალისწინოს კლიენტის თხოვნა, რომელსაც არ სურს, რომ მომსახურება გაუწიოს თავსაბურავიანმა თანამშრომელმა, არ შეიძლება განიხილებოდეს პროფესიულ მოთხოვნად, რომელიც დისკრიმინაციას გამორიცხავს“ - აღნიშნულია სასამართლოს გადაწყვეტილებაში.