ფრანსუა ფიიონი მორიგ სკანდალში გაეხვა

მსოფლიო - 18:15, 13 Mar, 2017

2341

საფრანგეთის პრეზიდენტობის კანდიდატი „რესპუბლიკელებიდან“, ფრანსუა ფიიონი, მორიგ სკანდალში გაეხვა.

Journal du Dimanche-ის ცნობით, ფიიონმა მოდის სახლ Arnie-გან ორი ძვირადღირებული კოსტიუმი მიიღო. გამოცემის ცნობით, ორი კოსტიუმის ღირებულება 13 ათას დოლარს აჭარბებს. როგორც გაირკვა, აღნიშნული კოსტუმები ფიიონს მისმა მეგობარმა, თებერვალში აჩუქა.

საფრანგეთის კანონმდებლობის თანახმად კი, საარჩევნო კამპანიის დროს, კანდიდატისთვის 4 ათას 600 ევროზე მეტის შეწირვა იკრძალება.

პარალელურად, ფრანსუა ფიონი ორ დღეში სასამართლოს წინაშე უნდა წარდგეს დასაკითხად. ფრანსუა ფიონს მეუღლის ფიქტიურ დასაქმებაში ადანაშაულებენ.

სკანდალი საფრანგეთის პრეზიდენტობის კანდიდატის, ფრანსუა ფიიონის გარშემო მას შემდეგ ატყდა, რაც ინფორმაცია გავრცელდა, რომ ფრანსუა ფიიონის დეპუტატობისას, პენელოპა ფიიონმა მის თანაშემწედ მუშაობისას თვეში 3 677 ევროს იღებდა. ფრანგული მედიის ცნობით, არსებობს ეჭვი, რომ ეს ფიქტიური სამუშაო იყო და ფიონმა ნახევარი მილიონი ევრო „არაფრის კეთებისთვის მიიღო.“

აღნიშნული ინფორმაციის გავრცელების შემდეგ, საფრანგეთის პროკურატურამ გამოძიება დაიწყო. სამართალდამცავებმა ფიიონის სახლში ჩხრეკაც ჩაატარეს.