"სამეფო კარის თამაშების" მეშვიდე სეზონში 6 სერია იქნება

"სამეფო კარის თამაშების" მეშვიდე სეზონში 6 სერია იქნება - ახალი დეტალები

ეს საინტერესოა - 14:27, 13 Mar, 2017

4495

რამდენიმე დღის HBO-მ “სამეფო კარის თამაშების“ მეშვიდე სეზონის პრემიერის თარიღი გვამცნო.

GOT-ის მე-7 სეზონის პირველი სერია 2017 წლის 16 ივლისს გამოვა.

SXSW-ის კინოფესტივალზე კი სერიალის პრდიუსერებმა ახალი სეზონის რამდენიმე დეტალზე ისაუბრეს. დევიდ ბენიოფმა და დან ვაისმა განაცხადეს, რომ მეშვიდე და მერვე სეზონში სულ რაღაც ექვსი სერია იქნება. მათივე ვარაუდით, ყველაზე რეიტინგული ბოლო სეზონი იქნება.

პროდიუსერებმა ასევე განაცხადეს, რომ „სამეფო კარის თამაშების“ მე-7 სეზოში მონაწილეობას მიიღებს ცნობილი მომღერალი, ედ შეერანი. მათი თქმით, 4 წელია ედ შეერანის დათანხმებას ცდილობენ და ბოლოსდაბოლოს მოახერხეს.

პრემიერის თარიღდან ერთად HBO-მ ტრეილერის თიზერიც გაავრცელა, რომლითაც გვამცნეს, რომ "დიდი ბრძოლა მოგვიახლოვდა." თიზერში ისმის, სავარაუდოდ, ჯონ სნოუს ფრაზა: "მხოლოდ ერთი ომია მნიშვნელოვანი. დიდი ბრძოლა. ის უკვე დადგა."

როგორც მოსალოდნელია, მეშვიდე სეზონში ვიხილავთ დეინერის ტარგანიანისა და მისი დრაკონების შებრძოლებას თეთრ მოსიარულეებთან და დენიერისისა და ჯონ სნოუს (როგორც ცეცხლისა და ყინულის) გაერთიანებას.

Game of Thrones -ის მეექვსე სეზონის ბოლო სერია განსაკუთრებით საინტერესო იყო, რომელიც სერსეი ლანისტერის ტრიუმფალური აღზევებით დასრულდა. მე-10 სერიაში ასევე ყველაზე დიდი საიდუმლოს აეხადა ფარდა და დადასტურდა , რომ ჯონ სნოუ ნედ სტარკის ბასტარდი არ არის. ბრანის ნიჭის წყალობით გაირკვა და დადასტურდა, რომ ჯონი ნედის დის, ლიანასა და რაეგერ ტარგარიანის შვილია.

ახალი სეზონის გადასაღები მოედნიდან პაპარაცული ფოტოები და ვიდეო რამდენჯერმე გავრცელდა. როგორც მოსალოდნელი იყო და ფოტოებიდან გაირკვა, ჯონ სნოუსა და დრაკონების დედის შეხვედრა მომავალ სეზონში შედგება.

ვინტერფელში ველოდებოთ არიას დაბრუნებასაც. ეჭვგარეშეა, მეშვიდე სეზონი ძალიან საინტრესო იქნება.