რუსეთის პრეზიდენტის ვლადიმერ პუტინის პრეს-მდივანი დიმიტრი პესკოვი აცხადებს, რომ არაფერი გასაკვირი არ არის იმ ფაქტში, რომ ქვეყნის ოფიციალური წარმომადგენელი აშშ-ში სერგეი კისლიაკი წამყვან ამერიკელ ჩინოვნიკენბსა და პოლიტიკოსებს ხვდებოდა - ეს მისი პირდაპირი მოვალეობაა.

"ეს კისლიაკის მოვალეობაა - იგი განიხილავდა ორმხრივ კავშირებს, სიტუაციას აშშ_ში, რათა მოსკოვში უკეთ შესძლებოდათ სიტუაციაში გარკვევა. ამას აკეთებს რუსეთის ყველა ელჩი სხვადასხვა ქვეყანაში და ამასვე აკეთებენ ამერიკის ელჩები, მათ შორის მოსკოვშიც. ხაზს ვუსვამ, რომ შეხვედრების დროს არჩევნების საკითხი არ განიხილებოდა," - აცხადებს პესკოვი CNN-თან ინტერვიუში.