რატომ ქორწინდებიან ხშირად მშობლების მსგავს პარტნიორზე?

ეს საინტერესოა - 00:47, 11 Mar, 2017

6640

ალბათ გსმენიათ, რომ ზოგჯერ ადამიანები არჩევენ ისეთ პარტნიორს, რომელიც ძალიან ჰგავს მათ მშობელს ხასიათით თუ გარეგნული მონაცემებით. ეს არცთუ იშვიათი შემთხვევაა, თუმცა ამ ადამიანებს რომ ჰკითხოთ, სავარაუდოდ, ძალიან გაუჭირდებათ პასუხის გაცემა იმაზე, რატომ ხდება ასე.

საქმე ის გახლავთ, რომ ოჯახური ცხოვრება ადამიანის განვითარების ნებისმიერ ეტაპზე ძალიან მნიშვნელოვან გავლენას ახდენს. ბავშვი იზრდება და ყალიბდება მშობლების გარემოცვაში და ხშირ შემთხვევაში მოსწონს ის, რასაც იქ ხედავს. პატარასთვის მშობელი ყოველთვის აღფრთოვანების საგანია და ბუნებრივია ეს შეგრძნებები ზრდასრულ ასაკშიც მიჰყვება, ამიტომ ფიქრობს, რომ თუ შეხვდება პარტნიორი ისეთივე თვისებებით, როგორიც მის მშობელს აქვს ეს მისი ბედნიერი ცხოვრების გარანტი იქნება.

არის თუ არა ამაში რაიმე ცუდი? თავისთავად თუ მშობელი მისაბაძია მისი მსგავსის მოძებნა ცუდი სულაც არ უნდა იყოს, მაგრამ… არსებობს ერთი მაგრამ. როდესაც მეორე ნახევარი ძალიან ჰგავს მშობელს მის მიმართ ძირითად შემთხვევაში ჩნდება ძალიან ახლობლური დამოკიდებულება და გააზრება იმისა, რომ ის პარტნიორია და არა ბავშვობის მეგობარი რთულია. ეს ურთიერთობაში, ბუნებრივია, გარკვეულ პრობლემებს იწვევს.

ყველაფერი ხშირ შემთხვევაში ქვეცნობიერიდან მოდის, მაგრამ უნდა ეცადოთ გადაწყვეტილება დამოუკიდებლად მიიღოთ, არ შეადაროთ თქვენი მეორე ნახევარი არავის, მათ შორის არც მშობლებს. იპოვნეთ განსხვავებული, მაგრამ თქვენთვის მისაღები ადამიანი.