რეჯეპ ტაიპ ერდოღანი დღეს მოსკოვში ვლადიმირ პუტინს შეხვდება

მსოფლიო - 14:57, 10 Mar, 2017

1911

თურქეთის პრეზიდენტი რეჯეპ ტაიპ ერდოღანი დღეს, ოფიციალური ვიზიტით, მოსკოვში მიემგზავრება, სადაც რუს კოლეგასთან ვლადიმირ პუტინთან შეხვედრას გამართავს, - იუწყება სააგენტო „ანადოლუ“.

ორი ქვეყნის ლიდერის შეხვედრის თემა სირიისა და ერაყის კონფლიქტები , ტერორიზმის წინააღმდეგ ბრძოლა იქნება. ერდოღანი და პუტინი ქვეყნების ეკონომიკის, კულტურისა და ტურიზმის სფეროში კავშირებზე ისაუბრებენ.

ვლადიმერ პუტინთან შეხვედრის შემდეგ, ერდოღანი თურქეთსა და რუსეთს შორის მაღალი დონის თანამშრომლობის საბჭოს სხდომას დაესწრება.

მოსკოვში , ერდოღანის ვიზიტი, თურქეთსა და ნატო/ევროკავშირს შორის დაძაბული ურთიერთობას დაემთხვა.
შეგახსენებთ, თურქეთის პრეზიდენტმა რეჯეპ ტაიპ ერდოღანმა გერმანია „ნაცისტურ ქმედებებში“ დაადანაშაულა, მას შემდეგ რაც ადგილობრივმა ხელისუფლებამ თურქ მინისტრებს აქციის ჩატარებაზე უარი განუცხადა.

აღნიშნული განცხადება დაგმეს გერმანიის კანცლერმა , ანგელა მერკელმა და ევროკავშირის ლიდერებმა.

ერდოღანსა და პუტინს შორის ბოლო შეხვედრა გასული წლის აგვისტოში გაიმართა, მას შემდეგ რუსეთმა თურქეთისთვის დაწესებული სანქციები შეამსუბუქა. სანქციები, თურქეთის მიერ თურქეთის საჰაერო სივრცეში შესული რუსული ბომდამშენის ჩამოგდებას მოჰყვა.