რაზე მიგვანიშნებს "სამეფო კარის თამაშების" ოფიციალური პოსტერი

ეს საინტერესოა - 19:49, 09 Mar, 2017

3804

“სამეფო კარის თამაშების“ მეშვიდე სეზონს მაყურებელი მოუთმენლად ელის.

HBO-მ სერიალის გულშემატკივრებს აცნობა, რომ ახალი სეზონი ზაფხულში გამოვა.

ცნობილია, რომ GOT-ის მეშვიდე სეზონში 10 სერიის ნაცვლად 7 სერია იქნება.

დღეს კი მეშვიდე სეზონის პოსტერი გამოქვეყნდა, რაც იმას ნიშნავს, რომ მალე ოფიციალურ ტრეილერსაც ვიხილავთ, თუმცა პრემიერის ზუსტი თარიღის შესახებ კვლავ არაფერია ცნობილი. მართალია, სავარაუდო თარიღად 25 ივნისი დასახელდა, თუმცა სერიალის პრემიერის თარიღი საიტ Imdb-ზე კვლავ არ არის მითითებული.

პოსტერი კი, გარკვეული ვარაუდების გაკეთების საშუალებას გვაძლევს.

პოსტერზე გამოსახული ყინული და ცეცხლი სავარაუდოდ იმის მანიშნებელია, რომ როგორც მოსალოდნელი იყო, მეშვიდე სეზონში ვიხილავთ დეინერის ტარგანიანისა და მისი დრაკონების შებრძოლებას თეთრ მოსიარულეებთან.

მეორე ვერსიით, ეს შესაძლოა, დენიერისისა და ჯონ სნოუს (როგორც ცეცხლისა და ყინულის) გაერთიანების სიმბოლო იყოს.

ასეა თუ ისე, ერთი რამ ნათელია : პოსტერზე ყინული დომინირებს.

Game of Thrones -ის მეექვსე სეზონის ბოლო სერია განსაკუთრებით საინტერესო იყო, რომელიც სერსეი ლანისტერის ტრიუმფალური აღზევებით დასრულდა. მე-10 სერიაში ასევე ყველაზე დიდი საიდუმლოს აეხადა ფარდა და დადასტურდა , რომ ჯონ სნოუ ნედ სტარკის ბასტარდი არ არის. ბრანის ნიჭის წყალობით გაირკვა და დადასტურდა, რომ ჯონი ნედის დის, ლიანასა და რაეგერ ტარგარიანის შვილია.

ახალი სეზონის გადასაღები მოედნიდან პაპარაცული ფოტოები და ვიდეო რამდენჯერმე გავრცელდა. როგორც მოსალოდნელი იყო და ფოტოებიდან გაირკვა, ჯონ სნოუსა და დრაკონების დედის შეხვედრა მომავალ სეზონში შედგება.

ვინტერფელში ველოდებოთ არიას დაბრუნებასაც. ეჭვგარეშეა, მეშვიდე სეზონი ძალიან საინტრესო იქნება