სტრასბურგის სასამართლომ რუსთავი 2-ის საქმეზე აღსრულება უვადოდ შეაჩერა

პოზიცია - 19:42, 07 Mar, 2017

26911

ევროსასამართლომ რუსთავი 2-ის საქმეზე აღსრულება უვადოდო შეაჩერა.

3 მარტს მიღებული შეჩერების ღონისძიება სტრასბურგის სასამართლოს განმხილველმა პალატამ ერთხმად გააგერძელა.

შედეგად, საქართველოს მთავრობას ეკრძალება, აღასრულოს უზენაესი სასამართლოს განჩინება იმ მომენტამდე, ვიდრე ამის უფლებას ევროპის ადამიანის უფლებათა სასამართლო არ მისცემს.

„საქმე რუსთავი 2- საქართველოს წინააღმდეგ შევიდა ევროპის მართლმსაჯულების ისტორიაში, ჩვენი მოთხოვნა აღსრულების შეჩერების გახანგრძლივების შესახებ ერთხმად და უვადოდ იქნა დაკმაყოფილებული. რუსთავი 2 ჩვენია, ყველა იმ ადამიანის ვინც აქ ვართ, მსურს მადლობა ვუთხრა ნამდვილად გმირულ გუნდს, რომელიც ყველაფერს აკეთებს რათა თქვენ გამცნოთ თავისუფალი სიტყვა, მსურს მადლობა ვუთხრა ჩვენს იურისტებს, რომლებიც შევიდნენ სტრასბურგის სამართალწარმოების ისტორიაში როგორც არნახული წარმატების მქონე იურისტები, მსურს მივულოცო მთელ ქართველ ერს, ქართულ საზოგადოებას, პოლიტიკურ პარტიებს, არასამათავრობო ორგანიზაციებს, რომ არა მათი ერთსულოვნება და უპირობო მხარდაჭერა, ქართული სახელმწიფოსი, ქართული დემოკრატიის ერთხმად მხარდაჭერა, ამან მოიტანა ის, რომ დღეს ევროპამ გადაგვარჩინა, მან გადაარჩინა ქართული დემოკრატია“, - განაცხადა ნიკა გვარამიამ.