"ქართველი ერი, 21-ე საუკუნეში არ იმსახურებს იმას, რომ მისი ხელისუფლება პაპუასივით იქცეოდეს"- მამუკა ჟღენტი სტრასბურგის გადაწყვეტილებაზე

პოზიცია - 15:33, 07 Mar, 2017

4634

რუსთავი 2-ის საქმესთან დაკავშირებით სტრასბურგის სასამართლოს გადაწყვეტილებაზე საქართველოს ხელისუფლების პოზიციას აკრიტიკებენ საზოგადოებრივი მოძრაობა ,,ახალი ერთობა საქართველოსთვის“ წევრები, რომლებმაც დღეს სპაეციალური განცხადება გაავრცელეს, და სადაც აღნიშნულია, რომ სტრასბურგის სასამართლოს შუალედური გადაწყვეტილება უმნიშვნელოვანესი გზავნილია როგორც ხელისუფლებისთვის, ასევე ჩვენი საზოგადოებისათვის.

ევროსაბჭოში საქართველოს ყოფილი ელჩი და მოძრაობა „ახალი ერთობა საქართველსოთვის“ დამფუძნებელი მამუკა ჟღენტი სტრასბურგის სასამართლოში საქართველო ხელისუფლების მაღალჩინოსნების ვიზიტს ეხმაურება. „ქართველი ერი 21-ე საუკუნეში არ იმსახურებს იმას, რომ მისი ხელისუფლების წარმომადგენლები იქცეოდნენ როგორც პაპუასები და დავესესხები საქართველოს იუსტიციის მინისტრს, როგორც ოროსანი პაპუასები. ეს მთელი ვოიაჟები სტრასბურგში არ ემსახურება არაფერს, გარდა იმისა, რომ დაუმტკიცონ ბელადს, ვინ არის ბრალეული და ვინ არაა ბრალეული იმ მარცხში, რომელიც საქართველოს ხელისუფლებამ განიცადა რ2-ის საქმეში . „ახალი ერთობა საქართველოსთვის“ მოუწოდებს საქართველოს ხელისუფლებას, დღესვე გააკეთოს განცხადება, პირველ ყოვლისა აცნობონ საქართველოს მოსახლეობას და შემდეგ ჩვენს პარტნიორებს, მათ შორის სტრასბურგის სასამართლოს, რომ არანაირ გაუაზრებელ და მიუღებელ ნაბიჯს არ გადადგამენ და დაელოდებიან სტრასბურგის სასამართლოს საბოლოო გადაწყვეტილებას რუსთავი 2-ის საქმეზე.“- განაცხადა მამუკა ჟღენტმა.