ამერიკის შეერთებულმა შტატებმა სამხრეთ კორეაში რაკეტსაწინააღმდეგო სისტემა განათავსა.

THAAD-ის (Terminal High Altitude Area Defense) ტიპის აღჭურვილობის განთავსების შესახებ განცხადება ჩრდილოეთ კორეის მიერ იაპონიის ზღვის მიმართულებით 4 ბალისტიკური რაკეტის გამოცდიდან მეორე დღესვე გავრცელდა.

"ტაადის" ტიპის რაკეტსაწინააღმდეგო სისტემა ბალისტიკური და სხვა ტიპის რაკეტებისთვის გზის გადასაჭრელად გამოიყენება.

აღნიშნული ტექნიკის სამხრეთ კორეაში განთავსების შესახებ შეთანხმება ჯერ კიდევ გასული წლის ივლისში შედგა, თუმცა დამატებითი დეტალების შესახებ ამ დრომდე არაფერი იყო ცნობილი.

ბიბისის ცნობით, ვაშინგტონის ქმედებამ ჩინეთის უკმაყოფილება უკვე გამოიწვია. პეკინში შიშობენ, რომ ამ სისტემის რადარები ჩინეთის საჰაერო სივრცის გაკონტროლებისთვისაც იქნება გამოყენებული.

შეგახსენებთ, 6 მარტს, ჩრდილოეთ კორეამ ოთხივე იაპონიის ზღვის მიმართულებით 4 ბალისტიკური რაკეტა გაუშვა. ოთხივე რაკეტამ დაახლოებით 100 კილომეტრი დაფარა. მათგან სამი იაპონიის ეკონომიკურ ზონაში ჩავარდა. ჩრდილოეთ კორეის ოფიციალური საინფორმაციო სააგენტოს ცნობით, რაკეტების საცდელი გაშვება ამერიკულ სამხედრო ბაზაზე თავდასხმისთვის განახორციელა.