"მხოლოდ უკრაინელებსა და ქართველებს შეუძლიათ მიიღონ გადაწყვეტილება ნატოში ინტეგრაციაზე"

"მხოლოდ უკრაინელებსა და ქართველებს შეუძლიათ მიიღონ გადაწყვეტილება ნატოში ინტეგრაციაზე" - სტოლტენბერგი

მსოფლიო - 15:08, 03 Mar, 2017

4283

ნატოს გენერალური მდივნის იენს სტოლტენბერგის განცხადებით, გარანტიები და დაპირებები იმის თაობაზე, რომ ალიანსი არ გაფართოვდება არ არსებობს.

სტოლტენბერგმა შვეიცარიულ გამოცემა Le Temps -თან, ალიანსის პოლიტიკაზე, საერთაშორისო არენაზე არსებულ ვითარებასა და რუსეთთან ურთიერთობაზეც ისაუბრა.

მისი თქმით, ალიანსს არ სურს ახალი ცივი ომი და კონფრონტაცია რუსეთთან. ნატოს გენმდივნის თქმით, როდესაც დაძაბულობა მაღალია , აუცილებელია მოლაპარაკების მაგიდასთან დაჯდომა და მოსაზრებების გაცვლა ისეთ საკითხებზე, როგორიცაა მაგალითად უკრაინა.

ჟურნალისტის კითხვაზე. „ხომ არ არის დრო, უარი ითქვას საქართველოს და უკრაინის ნატო-ში მიღები იდეაზე“, სტოლტენბერგმა განაცხადა:

„ეს უკიდურესად სახიფათო იქნებოდა. თუ ნატო ლაპარაკს დაიწყებს, რომ მზად არის კარები დახუროს ისეთ ქვეყნებისთვის, როგორიცაა უკრაინა ან საქართველო, რათა რუსეთთან ურთიერთობები შეამსუბუქოს, ეს მიუღებელი იქნება: გავლენის სფეროების აღდგენა, რომლის დროსაც დიდი ქვეყნები გადაწყვეტილებებს იღებენ პატარა ქვეყნების ნაცვლად.

ევროპაში სტაბილურობისა და უსაფრთხოების ძირითად პრინციპს ყველა ქვეყნისთვის, მათ შორის რუსეთისთვის, ჰელსინკის დასკვნითი აქტი წარმოადგენს, რომელიც გულისხმობს, რომ ყველა ერს აქვს უფლება, თვითონ აირჩიოს საკუთარი გზა, მათ შორის უსაფრთხოების თვალსაზრისით. თითოეული სუვერენული ქვეყნის გადასაწყვეტია, სურს თუ არა იყოს სამხედრო ალიანსის წევრი.

ჩვენ არ შეგვიძლია დავუშვათ, რომ ძლიერებმა მოგცენ უფლება ან გაიძულონ ალიანსში გაწევრინება. ორივე მიდგომა მიუღებელია. განსაკუთრებით ისეთი ქვეყნებისთვის, როგორიცაა ჩემი ქვეყანა , ნორვეგია, ან შვეიცარია.

მხოლოდ უკრაინელებსა და ქართველებს შეუძლიათ მიიღონ გადაწყვეტილება ნატო-ში ინტეგრაციაზე, ნატო-ს 28 წევრის თანხმობის შემთხვევაში. სხვას არავის აქვს უფლება, ჩაერიოს ამ არჩევანში“ - განაცხადა ნატოს გენერალურმა მდივანმა.