ბრედ პიტი სკანდალური გენერლის როლში - War Machine-ის თიზერი გავრცელდა (ვიდეო)

ეს საინტერესოა - 17:38, 01 Mar, 2017

4396

Netflix-მა War Machine-ის („საომარი მანქანა“) თიზერი გამოაქვეყნა, რომელიც რეალურ ისტორიაზეა დაფუძნებული. ფილმი რეალურ პიროვნებას, აშშ-ის არმიიდან გარიცხულ გენერალს, სტენლი მაკკრისტალს ეხება, რომლის როლსაც მსახიობი ბრედ პიტი ასრულებს.
ფილმის პრემიერა 2017 წლის 26 მაისს არის დაგეგმილი.

შეგახსენებთ, ბრედ პიტის კუთვნილმა კინოსტუდიამ - Plan B, ამერიკული ბესტსელერის, ჟურნალისტ მაიკლ ჰასტინგსის ნაწარმოების - The Operator კინოადაპტაციის უფლება 2 წლის წინ შეიძინა.

The Operator წარმოადგენს კრებულს სტენლი მაკკრისტალზე, რომელიც 2010 წელს აშშ-ის არმიიდან სკანდალური ინტერვიუს გამო გარიცხეს.

გენერლის არმიიდან მას შემდეგ დაითხოვეს, რაც ავღანეთის საერთაშორისო სამხედრო კამპანიის მეთაურის თანამდებობაზე ყოფნისას, ჟურნალ Rolling Stone-ს სკანდალური ინტერვიუ მისცა. მან აშშ-ს მთავრობის მაღალჩინოსნები ამხილა, მათ შორის ვიცე-პრეზიდენტი ჯო ბაიდენი და აშშ-ის ელჩები ავღანეთსა და პაკისტანში, კარლ ეიკენბერი და რიჩარდ ჰოლბრუკი.

აღსანიშნავია, რომ წიგნის ავტორი 2014 წელს ავტოკატასტროფაში ვითარებაში დაიღუპა.

როგორც დასავლურ მედიაში დაიწერა, ჟურნალისტი სავარაუდოდ, საიდუმლო ინფორმაციას ფლობდა და საეჭვო ტრაგედიამდე ცოტა ხნით ადრე WikiLeaks-ის იურისტებს დაუკავშირდა.