სტუდენტთა უფლებების ლიგის პრესკონფერენცია

საზოგადოება - 13:43, 31 May, 2013

823

როგორც ცნობილია, საქართველოს კანონმდებლობა ითვალისწინებს მოქალაქეთა ცალკეული კატეგორიების შეღავათიან მგზავრობას, მათ შორის სტუდენტების. სტუდენტები სარგებლობენ 60 %იან ფასდაკლებით, რაც საკმაოდ მნიშველოვანი შეღავათია. შეღავათიანი მგზავრობის უფლებით სარგებლობის მიზანია_ სტუდენტმა რეალურად იგრძნოს ის შეღავათი, რასაც ითვალისწინებს კანონმდებლობა.

საქართველოს სტუდენტთა უფლებების ლიგის პრეზიდენტი ნოდარ თათვიძე აცხადებს, რომ სტუდენტის მოცემული უფლების რეალიზება დამოკიდებული არ უნდა იყოს სამგზავრო ბარათის ფლობასთან, რადგან აღნიშნული უფლების საფუძველი არის პირის სტატუსი. ის, რომ ის სტუდენტია და არა ის, რომ ის ფლობს აღნიშნულ პლასტიკურ ბარათს.

"მოვითხოვთ, რომ სტუდენტებს ჰქონდეთ ისეთი სამგზავრო ბარათი, რომელიც უზრუნველყოფს სტუდენტის უფლებას რამდენჯერაც სურს და რა დროის შუალედშიც, იმდენჯერ გამოიყენოს ბარათი შეზღუდვის გარეშე, როგორც თავისთვის, ასევე თანმხლები სტუდენტისთვის (სტუდენტებისთვის), ხოლო როცა გასარკვევი გახდება, არის თუ არა ესა თუ ის ფიზიკური პირი სტუდენტი, საკმარისი უნდა იყოს პირის მიერ სტუდენტური პირადობისა თუ სხვა დამადასტურებელი მოწმობის წარდგენა, რათა სტუდენტებმა შეძლონ მგზავრობა და თავისუფლად შეუდგნენ სასწავლო პროცესს"- განაცხადა პრეს-კომფერენციის ბოლოს ნოდარ თათვიძემ.