ადვოკატი ლაშა ჯანიბეგაშვილი:

ხშირია შემთხვევები როდესაც პიროვნებას სურს მემკვიდრობის მიღება, მაგრამ ვერ ახერხებს, რადგან არ იცის რა მოიმოქმედოს მემკვიდრეობის მისაღებად, ქვემოთ მოკლედ აღვწერ თუ როგორ შეიძლება მივიღოთ სამკვიდრო ქონება. მოქმედი კანონმდებლობით არსებობს მემკვიდრეობის მიღების 2 საშუალება:

1 - როცა მემკვიდრე ფაქტობრივად ეუფლება სამკვიდრო ქონებას;

2 - როცა მამკვიდრებლის გარდაცვალებიდან კანონით განსაზღვრულ 6 თვის ვადაში მიმართავს ნოტარიუსს და 6 თვის გასვლის მერე იღებს სამკვიდრო მოწმობას.

მემკვიდრეობის მიღების უფლება აქვს 5 რიგის მემკვიდრებს:

პირველი რიგის მემკვიდრეები არიან გარდაცვლილის ცოლი, მისი შვილი, ასევე გარდაცვლილის მშობლებს;

მეორე რიგის მემკვიდრეები არიან გადაცვლილის დები და ძმები;

მესამე რიგის მემკვიდრეები არიან ბებია და პაპა;

მეოთხე რიგის მემკვიდრეები გარდაცვლილის დეიდები და მამიდები;

მეხუთე რიგის მემკვიდრეები არიან დეიდაშილები მამიდაშვილები თუ ეს უკანასკნელები ცოცხლები არ არიან მათი შვილები.

აღსანიშნავია ის გარემოება, რომ როდესაც არსებობს მემკვიდრეობის წინა წარმომადგენელი, მეორე რიგის და დანარჩენი შემდეგი რიგის მემკვიდრე ვერ მიიღებს სამკვიდრო ქონებიდან წილს.

სამკვიდროს მისაღებად გაშვებული 6 თვიანი ვადის აღდგენა ხდება, როცა მამკვიდრებელი და მემკვიდრე 1 მისამართზე არიან რეგისტრირებულები, როცა მემკვიდრე მამკვიდრებლის ბინაში ცხოვრობს და დაუფლებულია ფაქტობივად სამკვიდრო ქონებას იხდის გადასახადებს და ა.შ. წინააღმდეგ შემთხვევაში, ვადის აღსადგენად მამკვიდრებელს დაჭირდება გამარტივებული წარმოების წესით სასამართლოსათვის განცხადებით მიმართვა, მოუწევს დამტკიცება იმის, რომ მამკვიდრებლის გარდაცვალებიდან 6 თვის ვადაში დაეუფლა მის დანატოვარ ქონებას ან ნივთებს.