ოსკარების 89-ე დაჯილდოებაზე ალბათ კიდევ დიდხანს ისაუბრებენ. ცერემონია უკვე აღიარეს ოსკარების ისტორიის ყველაზე სკანდალურ დაჯილდოებად.
მეორე დღეა ინტერნეტის მთავარ თემას ოსკარები, ფინალური კრახი, ვარსკვლავები, მათი ჩაცმულობა და სახალისო ფოტოები წაარმოადგენს.

თუმცა, როგორც აღმოჩნდა, წლის საუკეთესო ფილმად შეცდომით „ლა ლა ლენდის“ დასახელება, დაჯილდოების ერთადერთი კრახი არ ყოფილა.

In Memoriam-ის საგანგებო ვიდეოსეგმენტში, სადაც კინემატოგრაფიაში მოღვაწე ცნობილ ადამიანებს იხსენებდნენ, რომლებიც წლის განმავლობაში გარდაიცვალნენ, ცოცხალი ადამიანის, 66 წლის ავსტრალიელი პრდოდიუსერის ჯან ჩემპენის ფოტო გამოყენეს.

როგორც გაირკვა , ჩემპენის ფოტოს ნაცვლად, ოსკარის ოთხგზის ნომინანტის, (The Piano,” “Portrait of a Lady,” “Oscar and Lucinda” და “Bright Star” ) კოსტიუმების დიზაინერის ჯანეტ პატერსონის ფოტო უნდა ეჩვენებინათ, რომელიც 2016 წლის ოქტომბერში, 60 წლის ასაკში გარდაიცვალა.

„განადგურებული ვიყავი, როცა ჩემი უდიდესი მეგობრისა და ხანგრძლივი თანამშრომლის, ჯანეტ პატერსონის ნაცვლად ჩემი ფოტო გამოიყენეს. მე შევუთანხმდი პატერსონის სააგენტოს, რომ კინოაკადემიისთვის მისი რაიმე ფოტო შეერჩიათ, რომელსაც ისინი გამოიყენებდნენ. ჯანეტი იყო ულამაზესი , ოსკარის ოთგხზის ნომინანტი და ძალიან საწყენია, რომ შეცდომა მოხდა" -განუცხადა გამოცემა Variety-ს ელ-ფოსტით პროდიუსერმა. "მე ცოცხალი ავრ, კარგად ვარ და აქტიურად ვეწევი ჩემ საქმიანობას" - აცხადებს ჩემპენი.

ჩემპენმა და პატერსონმა ერთად რამდინიმე ფილმზე იმუშავეს. The Piano-ზე თანამშრომლობამ კი მათ ოსკარების ნომინაცია მოუტანა.

1994 წელს გადაღებული ფოტო, მარცხნიდან მარჯვნივ: პროდიუსერი ჯან ჩეპმენი, დიზაინერი ჯანეტ პატერსონი და რეჟისორი ჯეინ კემპიონი ოსკარების დაჯილდოების ცერემონიალზე: