დიდი გაუგებრობა ოსკარზე - დაჯილდოებაზე კონვერტები ნამდვილად აერიათ (ფოტო)

ეს საინტერესოა - 13:56, 27 Feb, 2017

6504

ლოს ანჯელესში ამერიკის კინოაკადემიის 89-ე დაჯილდოების ცერემონია სკანდალით დასრულდა.

წლის საუკეთესო ფილმის კატეგორიაში გამარჯვებულად მიუზიკლი La La Land -ი დასახელდა, შემდეგ კი აღმოჩნდა, რომ აღნიშნულ კატეგორიაში გამარჯვება Moonlight-მა მოიპოვა.

წლის საუკეთესო ფილმის ნომინაციის წარმდგენმა უორენ ბიტმა, შეცდომის აღმოჩენისთანავე განაცხადა, რომ მას ის კონვერტი მისცეს, სადაც ეწერა „ემა სტოუნი -ლა ლა ლენდი“, ამიტომაც შეყოვნდა გამარჯვებულების გამოცხადებისას და კონვერტი მის კოლეგას ფეი დანაუეის გაუწოდა.

მედიაში უკვე ბევრი სტატია დაიწერა იმის შესახებ, მართლა შეეშალათ თუ არა კონვერტი წლის საუკეთესი ფილმის გამოცხადებისას.

ცნობილია, რომ კონვერტი, რომელშიც კონკრეტულ კატეგორიაში გამარჯვებულის ვინაობაა მოთავსებული, სპეციალურად დაცული ქეისებით მიაქვთ ადგილზე. ამ ფაქტის გათვალისწინებით, სოციალურ ქსელებში წერენ, რომ კონვერტების არევის შანსი არ არსებობს. თუმცა, როგორც ჩანს ყველაფერი ხდება, რადგან ფოტოზე, რომელიც სოციალურ ქსელში გავრცელდა ჩანს, რომ უორენ ბიტს, რომელიც წლის საუკეთესო ფილმის კატეგორიაში წარმდგენი იყო, ნამდვილად არასწორი კონვერტი უჭირავს.

ოსკარების შემდეგ ემა სტოუნმა პრესკონფერენციაზე განაცხადა, რომ ინციდენტის დროს, მას საკუთარი გამარჯვების კონვერტი ხელში ეჭირა. ეს ფაქტი კი იმით აიხსნება, რომ ოსკარის ცერემონიაზე თითოეული ნომინაციისთვის სპეციალურად ორი კონვერტი მზადდება, ერთ-ერთს კი ნომინაციაში გამარჯვებული მსახიობი სამახსოვროდ იტოვებს.