სკანდალი ოსკარებზე - ამერიკის კინოაკადემიის 89-ე დაჯილდოების ცერემონიის დასასრულს მოხდა ინციდენტი, რომელიც აუცილებლად გახდება სალაპარაკო თემა.

წლის საუკეთესო ფილმის კატეგორიაში გამარჯვებულად მიუზიკლი La La Land დასახელდა, თუმცა, მას შემდეგ რაც ქასთი სცენაზე ავიდა და სამადლობელი სიტყვების წარმოთქმა დაიწყო, გაირკვა, რომ აღნიშნულ ნომინაციაში ფილმმა „მთვარის შუქი“ გაიმარჯვა.

ამ ყოველივეს დიდი განხილვა მოჰყვება, მიუხედავად იმისა, რომ „ოსკარები 2017“ თითქმის ოთხი საათის განმავლობაში იდეალურად მიმდინარეობდა, უკანასკნელმა შეცდომამ დამსწრე საზოგადოებაც და მაყურებელიც გააოგნა.

ჯიმი კიმელმა კი დამშვიდობებისას წარმოსთქვა სიტყვები „ამას ჩემს თავს ვაბრალებ, ახლა წავალ და აქ აღარასდროს დავბრუნდები“, - მიუხედავად იმისა, რომ ნომინაციის გამარჯვებული კიმელს არ გამოუცხადებია.

როგორც გაირკვა, ინციდენტის გამომწვევი მიზეზი კონვერტების არევა გახდა.