გერმანიის ქალაქ ჰაიდელბერგში 35 წლის მამაკაცი ნაქირავები მანქანით ქალაქის ერთ-ერთ ცენტრალურ მოედანზე, ქვეითად მოსიარულეთა ზონაში შევარდა. შედეგად ერთი ადამიანი დაიღუპა, ორი კი დაშავდა.

დანით შეიარაღებულმა მანქანის მძღოლმა შემთხვევის ადგილიდან მიმალვა სცადა, თუმცა მას სამართალდამცველებმა ესროლეს. ეჭვმიტანილი დაიჭრა, რის შემდეგაც ის პოლიციამ დააკავა.

გავრცელებული ცნობით, თავდამსმხელი გერმანიის მოქალაქეა. დანაშაულის მოტივი უცნობია, თუმცა ჯერჯერობით სამართალდამცველები მომხდარს ტერაქტს არ უკავშირებენ.