დიდ ბრიტანეთში ყალბ სოციალურ პროფილებს ბრძოლას უცხადებენ

ეს საინტერესოა - 13:42, 26 Feb, 2017

1875

დიდი ბრიტანეთის თაღლითობასთან ბრძოლის ეროვნული ბიუროს მონაცემებით, ინტერნეტმომხმარებელთა 2/3 ერთხელ მაინც ჰქონია კონტაქტი ყალბი სოციალური აქაუნთის მქონე პიროვნებასთან, რომელსაც ერთი ან რამდენიმე არასწორი და რეალობასთან შორს მდომი ინფორმაცია უწერია თავის მონაცემებში.

ბიუროს ცნობით, ყალბი პროფილებით ძირითადად ზარალდებიან რომანტიკული და სასიყვარულო ურთიერთობების მსურველი ინტერნეტმომხმარებლები, რომლებიც ძლიერ სულიერ ტკივილს განიცდიან, თუმცა, ხშირად ისინი მატერიალურადაც ზარალდებიან - მარტო 2016 წელს ამგვარი თაღლითობის შედეგად 3889 ადამიანმა საერთო ჯამში 49,6 მილიონი დოლარი დაკარგა.

ბრიტანეთში მოქმედი კანონმდებლობით, ფეიკ-აქაუნთის შექმნა დასჯადი არაა, თუმცა, არსებობს მხლები, რომლის თანახმადაც სხვისი შეურაცხყოფის ან დამცირების შემცველი ფოტო, ვიდეო ან სხვა სახის მასალის გამოქვყნება ისჯება. დასჯადია ასევე, ინტერნეტის მეშეობით ფულის ან სხვა მატერიალური ნივთის გამოძალვაც.

მიუხედავად ამისა, დაზარალებული ინტერნეტმომხმარებლები ამით არ კმაყოფილდებიან და ამჟამად მიმდინარეობს ელექტრონული ხელმოწერების შეგროვება დოკუმენტზე, რომლის თანახმადაც ამ კუთხით კანონმდებლობა უნდა გამკაცრდეს. პეტიციის ავტორი ანა როუა, რომელიც ინტერნეტში გაცნობილ მამაკაცს ერთი წლის განმავლობაში ხვდებოდა და არ იცოდა, რომ მას ჰყავდა ცოლი და შვილები.

"მე არასდროს დავამყარებ ინტიმურ ურთიერთობას მამაკაცთან, რომელსაც ჰყავს ოჯახი. მან არამარტო მომატყუა, არამედ მისი საქციელი აშკარად წინასწარგანძრახული იყო, რადგან არ განათავსა საკუთარი პიროვნების შესახებ ზუსტი ინფორმაცია. მას სიმართლის დამალვა ქალბატონების მოტყუებისა და გამოყენების მიზნით სჭირდებოდა," - წერს ანა პეტიციის შესავალში.

პეტიციას მრავალი მხარდა,მჭერი ჰყავს, თუმცა, ზოგიერთი ეჭვს გამოთქვამს, ამ კანონის ცხოვრებაში გატარების რეალურობაზე. დარგის სპეციალისტები სოციალურ საიტებს ურჩევენ შემოიღონ მომხმარებლის კონტროლის უფრო მკაცრი რეჟიმები. კერძოდ, ექსპერტების აზრით, ამგვარ საიტებზე უნდა არსებობდეს სპეციალური გუნდი, რომელიც შეისწავლის პირადი ფოტოების ნამდვილობას, შეიქმნას სკრინინგის მექანიზმები, რომელიც პირს, რომელიც უკვე შემჩნეულია თაღლითური გვერდის შექმნაში საერთოდ აეკრძალოს აქაუნთის შექმნა, ასევე ეფექტური იქნებოდა სოცქსელებსა და ელექტრონული ფოსტის პროვაიდერებს შორის ერთგვარი საერთო ვერიფიკაციის მექანიზმის შექმნა, რომლის მეშვეობითაც მოხდება პიროვნების გადამოწმება და მისი რეალურობის დადგენა.

"ეს მექანიზმები ერთგვარად შეამცირებს ყალბი აქაუნთების რაოდენობას, მაგრამ აქ მეორე პრობლემაც არსებობს, ხომ შეიძლება ადამიანს მართლაც რეალური პირადი მიზეზი ჰქონდეს დამალოს ესა თუ ის მონაცემი? და რაც მთავარია, რთულია, შემოიღო კანონი, რომეიც ადამიანს ტყუილის თქმას აუკრძალავს და ეს კანონი ცხოვრებაში გაატარო," - აცხადებენ სოციოლოგები.