ჰოლივუდის მსახიობი, რაიან გოსლინგი ამერიკელი ასტრონავტის ნილ არმსტრონგის როლს შეასრულებს.

ფილმის რეჟისორი, ისევე როგორც გოსლინგის ბოლო ნამუშვრის La La Land-ის შემთხვევაში, ახლაც დემიენ შაზელი იქნება.

ნილ არმსტრონგი პირველი ადამიანი იყო, რომელმაც მთვარეზე ფეხი დადგა.

არმსტრონგი კოსმოსური ხომალდის „აპოლონ 11-ის“ მთვარეზე ექსპედიციას მეთაურობდა.

მან მთვარეზე ფეხი 1969 წლის 20 ივლისს დადგა, რასაც მთელი მსოფლიო პირდაპირ ეთერში ადევნებდა თვალს. ისტორიულ მომენტში მისი სიტყვები იყო - „ეს პატარა ნაბიჯი ადამიანისთვის, არის დიდი ნახტომი კაცობრიობისთვის.“

„აპოლონ 11-ის“ ექსპედიცია - მთვარეზე პირველი ადამიანის გავლა - შეფასებული იყო როგორც აშშ-ის გამარჯვება საბჭოთა კავშირზე კოსმოსის ათვისების სფეროში.

1971 წელს მან აშშ-ის კოსმოსური კვლევის უწყება დატოვა და პედაგოგიურ საქმიანობას, ასევე ბიზნესს მიუძღვნა დარჩენილი ცხოვრება.

ნილ ამსტრონგი 2012 წელს 82 წლის ასაკში გარდაიცვალა.