ჰოლივუდის ბულვარში კანიე უესტის ჯვარცმის ქანდაკება დადგეს (ფოტოკოლაჟი)

ეს საინტერესოა - 15:34, 23 Feb, 2017

3550

ოსკარებამდე რამდენიმე დღით ადრე, ჰოლივუდი განსაკუთრებული ყურადღების ცენტრში მოექცა.

მიზეზი კი „მოწამე“ კანიე უესტი გახდა.

საქმე იმაშია, რომ გუშინ, ჰოლივუდის ბულვარში ცნობილი ამერიკელი რეპერის, კანიე უესტის ძეგლი გამოჩნდა, რომელსაც ჯვარცმული ქრისტეს გარეგნობა აქვს, ხელზე ლურსმნებით, ოქროს ჯაჭვებითა და უესტის Yeezy „სნიკერსებით. პედასტალზე კი „ცრუ კერპი“ აწერია.

საკამათო ქანდაკების ავტორი ანონიმური მოქანდაკე აღმოჩნდა, რომლის ფსევდონიმია Plastic Jesus. ლოს ანჯელესელი არტისტი თავისი პოლიტიკური-კულტურული ნამუშევრებით არის ცნობილი.

NBC4-სთან საუბარში Plastic Jesus აღნიშნავს, რომ მისი ხელოვნებით აქცენტს აკეთებს ჰოლივუდის იმ მხარეზე, რომელიც ხშირად დავიწყებულია და ეხება ისეთ საკითხებს, როგორიცაა ნარკომანია, ფსიქიკური მდგომარეობა და გაკერპება. „ცნობილი სახეებისგან ხშირად ღმერთის მსგავს კერპებს ქმნიან და როგორც კი ისინი საკუთარ ადამიანურ სახეს გამოავლენენ, ჯვარზე ვაკრავთ“ - ამბობს ხელოვანი.

Plastic Jesus-მა ბოლო დროს, რეპერის გარშემო ატეხილ აჟიოტაჟზეც ისაბრა, რომლის თანახმადაც უესტი მენტალური პრობლემების გამო, ფსიქიატრიულ დაწესებულებაში მკურნალობდა და დაგეგმილი ტურნეს რამდენიმე კონცერტი გააუქმა.

არტისტის თქმით, კანიე უესტი ბრწყინვალე მუსიკოსი და პროდიუსერი, თუმცა ქვეყანაში მისგან ღმერთის მსგავსი კერპი შექმნეს.

მხატვირგან მსგავსი ნამუშევრები ჰოლივუდისთვის უცხო არ არის. 2016 წელს ჰოლივუდის ბულვარში არსებულ დონალდ ტრამპის ვარსკვლავს მავთულხლართიანი კედელი შემოარტყა წარწერით "მოერიდეთ." 2015 წელს კი მუხლებსა და ხელებზე დაცემული, კოკაინის მომხმარებელი ოსკარის ქანდაკება დადგა.