ქუთაისის მერის სამსახურეობრივი სარგო თვეში 2750 ლარს შეადგენდა, დიმიტრი კოპალიანი, მერის პოსტზე დამტკიცების შემდეგ, ყოველთვიურად ხელფასის სახით 17 000 ლარს მიიღებს.

კოპალიანი ამერიკიდან ქუთაისში დაბრუნებას და ქალაქის მერის პოსტის დაკავებას მაღალი ხელფასის მიღების გარანტიის შემთხვევაში დათანხმდა.

newpress.ge-ს წყაროს ცნობით, ქუთაისის მომავალი მერი დიმიტრი კოპალიანი საქართველოს პარლამენტის ვიცე–სპიკერის მანანა კობახიძის მიერაა შერჩეული.

დიმიტრი კოპალიანმა უელსის უნივერსიტეტის დამთავრების შემდეგ, მიჩიგანის ლოურენსის ტექნოლოგიური უნივერსიტეტი დაამთავრა, ინფორმაციული სისტემების სპეციალობის განხრით. მან ამავე უნივერისიტეტში დაიცვა სადოქტორო ხარისხი. სხვადასხვა დროს კოპალიანი მუშაობდა კომპანია QEK Global Solutions-ში პროგრამული უზრუნველყოფის მენეჯერად, Hamilton Group Services-ში წამყვან დეველოპერად და ა.შ.

დიმიტრი კოპალიანი რამდენიმე წელია ამერიკაში ცხოვრობს.