ლონდონში წლის საუკეთესო მომღერლები გამოავლინეს.

Brit Awards-ის დაჯილდოების ცერემონია გუშინ, ლონდონში გაიმართა, რომლის ტრიუმფატორი, 2016 წლის იანვარში გარდაცვლილი საკულტო ბრიტანელი მომღერალი, დევიდ ბოუი გახდა. ის „საუკეთესო მამაკაცი შემსულებლად“ აღიარეს, ასევე მისი ალბომმა Blackstar , წლის საუკეთესო ალბომის ნომინაციაში გაიმარჯვა.

ბოუის ნაცვლად ჯილდო საუკეთესო ალბომისთვის მისმა შვილმა, რეჟისორმა დუნკან ჯონსმა მიიღო.

რაც შეეხება სხვა გამარჯვებულებს, საუკეთესო ბრიტანული მუსიკალური ჯგუფი გახდა The 1975, წლის საუკეთესო ბრიტანელი მომღერალი ქალი ემელი სანდე გახდა.

ამერიკელმა მომღერალმა ბიონსემ და კანადელმა რეპერმა დრეიკმა გაიმარჯვეს ნომინაცაში წლის საუკეთესო საერთაშორისო შემსრულებელი.

წლის საუკეთესო საერთაშორისო ჯგუფი კი ამერიკული A Tribe Called Quest გახდა.

დაჯილდოების მონაწილეებმა პატივი მიაგეს გასული წლის დეკემბერში გარდაცვლილ მუსიკოს, ჯორჯ მაიკლს. Coldplay-ს სოლისტმა კრის მარტინმა ჯორჯ მაიკლის სიმღერა A Different Corner შეასრულა, ეკრანზე კი მაიკლისა და იმ შემსრულებლების ფოტოები გამოჩნდა, რომლებიც გასულ წელს გარდაიცვალნენ, მათ შორის პრინცისა და ლეონარდ კოენის.

Brit Awards „გრემის“ ბრიტანული ანალოგია, რომელიც ყოველწლიურად ლონდონში იმართება.