ნატალია ვოდიანოვა და კარლი კლოსი ბავშვების დასახმარებლად ისევ გაერთიანდნენ (ფოტოკოლაჟი)

შოუ ბიზნესი - 19:24, 22 Feb, 2017

2737

ცნობილმა მოდელებმა ნატალია ვოდიანოვამ და კარლი კლოსმა საქველმოქმედო ბაზრობა - Fabulous Fund Fair უკვე მესამედ უმასპიძლეს.

წლევანდელ ლოკაციად კი ლონდონი აირჩიეს.

მოდელების გადაწყვეტილებით, საქველმოქმედო საღამოსთვის დარბაზი ატრაქციონებით გამოფორმდა. მოწვეულ სტუმრებს კი სხავდასხვა სახალისო კონკურსი შესთავაზეს.

სტუმრებს შორის იყვნენ ლივ ტაილერი, დოუცენ კრუსი, ლილი დონალდსონი, ერინ ო’კონერი, დევიდ კომა და სხვა ცნობილი სახეები.

საქველმოქმედო ბაზრობაზე შემოსული თანხა მთლიანად გადაირიცხა განსაკუთრებული საჭიროებების მქონე ბავშვების დასახმარებლად.

ნატალია ვოდიანოვა ქველმოქმედებით ცნობილია. განსაკუთრებულ ყურადღება აქცევს შეზღუდული შესაძლებლობების მქონე ბავშვებზე ზრუნვას. როგორც ცნობილია, ნატალია რუსეთის ქალაქ ნიჟნი ნოვგოროდში იზრდებოდა დასთან ერთად, რომელსაც აუტიზმისა და ცერებრალური დამბლის დიაგნოზი ჰქონდა.

განსაკუთრებული საჭიროების მქონე ბავშვების დასახმარებლად, ფონდი Fabulous Fund Fair ნატალია ვოდიანოვამ 2004 წელს დააარსა. მას შემდეგ რუსეთში 170-ზე მეტი სპეციალური ობიექტი ააშენა, სკოლები აღჭურვა სპეციალური ტექნოლოგიებით , აქტიურად ეხმარება მსგავს ცენტრებს.

აღშანიშნავია, რომ აღნიშნულ საქმიანობაში ვოდიანოვას დიდი დახმარებას უწევს მოდელი კარლი კლოსი, რომელიც ქველმოქმედებაში აქტიურად არის ჩართული. Fabulous Fund Fair-ის აქტიური მხარდამჭერები არიან მოდელი დოუცენ კრუსი და მომღერალი კეტი ფერი.