გოგიტა აბულძის ოჯახის წევრებთან მოლაპარაკების შედეგად ზუგდიდი-ანაკლიის გზა გაიხსნა

საზოგადოება - 14:03, 30 May, 2013

546

,,ნიუპოსტის" სამეგრელოს კორესპონდენტის ცნობით, ოჯახთან მოლაპარაკებაზე იმყოფებოდა სამეგრელო-ზემო სვანეთის სამხარო პოლიციის უფროსის მოადგილე კობა კირთაზე, მათ შორის ზუგდიდის პოლიციის უფროსი და გამგებელი.

აბულაძის ოჯახის წევრებთან შეთანხმება შედგა, რომ 10 დღის ვადაში შედგება შეხვედრა შს მინისტრ ირაკლი ღარიბაშვილთან.
მოლაპარაკების შედეგად, ზუგდიდი-ანაკლიის საავტომობილო გზა გახსნილია.

შეგახსენებთ, რომ გოგიტა აბულაძის ოჯახის წევრებმა დღეს ზუგდიდი-ანაკლიის საავტომობილო გზა გადაკეთეს, ისინი აბულაძის გაუჩინარების საქმის დროულად გამოიძიებას ითხოვენ.

გოგიტა აბულაძე 2012 წლის 18 იანვარს გაუჩინარდა. როგორც ცინარა აბულაძე აცხადებს, მისი შვილი წინა ხელისუფლების დროს, უშიშროების სამსახურის წარმომადგენლების დავალებით გადავიდა აფხაზეთში და ამის შემდეგ არავის უნახავს.

გოგიტა აბულაძის დედა კონტრდაზვერვის სამსახურის მაღალჩინოსნების სამსახურიდან გათავისუფლებას ითხოვს, ცინარა აბულაძის თქმით, ეს ადამიანები არიან საქმეში გარეული.

ამასთან, 2012 წელს ცინარა აბულაძეს ამავე საკითხზე პრეზიდენტთანაც სურდა შეხვედა, მაგრამ, როგორც თავად ამბობს, მაშინ ადგილობრივმა პოლიციამ სახლში ჩაკეტა და პრეზიდენტამდე მისვლის უფლება არ მისცა.