ინფორმაცია ლიტვურ მედიაგამოცემებს უკვე დაუდასტურა ბიზნესმენის მეუღლემ ვაივა ვაიტკიავიჩენემ:

"ჩემი ქმარი მოულოდნელად დააკავეს თბილისის აეროპორტში. მან ადვოკატს დაურეკა და მოკლედ აუხსნა, რომ გადაჰყავდათ იზოლატორში, მიუთითა, რომელშიც. ადვოკატი იქ მივიდა, მაგრამ უთხრეს, რომ ეგეთი არავინ ჰყავდათ. დაკავების ყველა იზოლატორი შემოიარეს, მაგრამ არსად იყო. აეროპორტის სამსახურებმა ვერ დაადასტურეს, რომ ასეთი პიროვნება ნამდვილად დააკავეს. 11 საათმდე არც ვიცოდით, სად იყო", - ამბობს ბიზნესმენის მეუღლე.

"არანაირი ბრალი არ წაუყენებიათ. ფორმულირება მარტივია: მან უნდა მოიფიქროს, როგორ და რა გზებით იყო დაკავშირებული წინა ხელისუფლებასთან", - ამბობს ქალბატონი ვაიტკიავიჩენე.

მისივე თქმით, მეუღლისთვის ბრალი საღამოს ხუთ საათამდე არ წარუდგენიათ: "ადვოკატები ესაუბრნენ პროკურორებს და დაინტერესდნენ, რანაიარად იყო დაკავშირებული დაკავებული წინა ხელისუფლებასთან. მათ უთხრეს, თითქოს ჩემი ქმარი ვიღაცეებს აძლევდა ქრთამს, რომ თითქოს დაკავშირებული იყო დარიუს იურგილიავიჩუსთან (ტელეკომპანია "პიკის" მფლობელი), რომელიც, თავის მხრივ, ყოფილი პრემიერმინისტრის, მერაბიშვილის მრჩეველი იყო", - აღნიშნავს ლიტველი ბიზნესმენის მეუღლე.

მისი თქმით, მეუღლემ საქართველოში ბიზნესი გაყიდა და ოთხშაბათს ლიტვაში გამგზავრებას აპიორებდა, რა დროსაც დააკავეს.

ბიზნესმენი საულუს ვაიტკიავიჩუსი ბალტიის ქვეყნების სავაჭრო პალატის საბჭოს თავმჯდომარეა.