ჰოლივუდის ვარსკვლავმა სკარლეტ იოჰანსონმა ჟურნალ Playboy-სთან ინტერვიუში მონოგამიურ და პოლიგამიურ ურთიერთობებზე ისაუბრა.

მსახიობის თქმით, მონოგამიას ბუნებრივ მოვლენად არ მიიჩნევს.

"ვფიქრობ, რომ ქორწილის იდეა ძალიან რომანტიკული და ლამაზია, პრაქტიკაშიც შეიძლება ძალიან ლამაზი იყოს.

თუმცა, ჩემი აზრით, მონოგამია ურთიერთობის არაბუნებრივი ფორმაა და ადამიანების ხასიათში არ ჯდება. ქორწინება რთული შრომაა და ესეც ამტკიცებს არაბუნებრივობას. პატივს ვცემ ქორწინების ინსტიტუტს, თავადაც დავქორწინდი, მაგრამ ვფიქრობ რომ მონოგამიურობა ინსტიქტების საწინააღმდეგოა” - განაცხადა იოანსოსმა.

სკარლეტ იოჰანსოსმა მონიგამიის შესახებ საკუთარი პოზიცია პირველად 2006 წელს დააფიქსირა.

„არ ვფიქრობ, რომ მონოგამი ადამიანის ბუნებაში ჯდება. თუმცა, როცა გადავწყვეტ, რომ ვინმესგან შვილების გაჩენა მომინდება, ვფიქრობ, მასზე დაქორწინება სასიამოვნო იქნება.“

2008 წელს კი რაიან რეინოლდსთან ქორწინებამდე, Cosmopolitan-თან განაცხადა - „მონოგამიას, ბუნებრივ ინსტიქტად არ მივიჩნევ, მაგრამ ეს იმას არ ნიშნავს, რომ მე მონოგამიის ან ჭეშმარიტი სიყვარულის არ მჯერა. მე მჯერა მონათესავე სულების, მე ყოველთვის მონოგამიური ურთიერთობები მქონდა. მაგრამ მონოგამია ადვილი სულაც არაა და სამწუხაროდ, ამას ბევრი ადამიანი ვერ ითავისებს” -ამბობდა მაშინ სკარლეტ იოჰანსონი.

შეგახსენებთ, გასულ თვეს ცნობილი გახდა, რომ სკარლეტ იოჰანსონი და მისი მეორე მეუღლე, პოპულარული ფრანგი ჟურნალისტი რომენ დორიაკი ერთმანეთს დაშორდნენ.

წყვილს ორი წლის გოგონა ჰყავს.

2008 -2010 წლებში სკარლეტი მსახიობ რაიან რეინოლდსზე იყო დაქორწინებული.