ერაყის ხელისუფლების განცხადებით, ქვეყნის შეიარაღებულმა ძალებმა დაიწყეს სამხედრო ოპერაცია, რომლის მიზანიც მოსულის "ისლამური სახელმწიფოს" ტერორისტებისაგან გათავისუფლებას ისახავს მიზნად.

ერაყის ჯარებმა, აშშ-ს სამხედრო ავიაციის მხარდაჭერით, ალყა შემოარტყეს ქალაქის დასავლეთ ნაწილს, რომელსაც ექსტრემისტები აკონტროლებდნენ.

18 თებერვალს აშშ-ის თვითმფრინავებმა მოსულში მილიონობით ბარათი ჩააგდეს, სადაც ადგილობრივ მოსახლეობას სამხედრო მოქმედებების დაწყების შესახებ აფრთხილებდნენ. ბარათების ნაწილი კი განკუთვნილი იყო ტერორისტებისთვის, მათ იარაღის დაყრას და დანებებას მოუწოდებდნენ.

ერაყის სიდიდით ამ მეორე ქალაქს "ისლამური სახელმწიფო" ორი წელია აკონტროლებს და იგი ერაყში ისლამისტი ტერორისტების უკანასკნელ დასაყრდენს წარმოადგენს.