რუსეთმა ნაკისრი ვალდებულებები უნდა შეასრულოს

რუსეთმა ნაკისრი ვალდებულებები უნდა შეასრულოს - ტილერსონი ლავროვს

მსოფლიო - 10:50, 17 Feb, 2017

1922

აშშ-ის სახელმწიფო მდივნის რექს ტილერსონის განცხადებით, აშშ რუსეთთან თანამშრომლეობის შესაძლებლობას არ გამორიცხავს, თუმცა ეს საკუთარ ინტერესების დაცვით მოხდება.

თავისი პირველი საზღვარგარეთული ვიზიტისას, გერმანიაში, „დიდი ოცეულის“ სამიტის ფარგლებში, ტილერსონის რუს კოლეგას სერგეი ლავროვს შეხვდა.

„როგორც სენატში ჩემი კანდიდატურის დამტკიცებისას ნათლად განვაცხადე, აშშ რუსეთთან თანამშრომლობის შესაძლებლობას განიხილავს, როდესაც ჩვენ ვიპოვით პრაქტიკული ურთიერთქმედების სფეროებს, რომლებიც ამერიკელ ხალხს სარგებელს მოუტანს“ - განაცხადა ტილერსონმა.

მისივე თქმით, იქ, სადაც მხარეებს ჯერ კიდევ განსხვავებული პოზიციები აქვთ, აშშ დაიცავს საკუთარ და მოკავშირეების ინტერესებსა და ღირებულებებს.

ტირელსრონმა აღნიშნა, რომ რუსეთისგან მინსკის შეთანხმების ფარგლებში ნაკისრი ვალდებულებების შესრულებასა და რეგიონში არსებული მდგომარეობის სტაბილიზაციის პროცესს ელოდება.

რუსეთის საგარეო საქმეთა მინისტრმა სერგეი ლავროვმა კი განაცხადა, რომ მხარეები შეთანხმდნენ იმ მიმართულებებთან დაკავშირებით თანამშრომლობაზე, სადაც მათი ინტერესები ემთხვევა, უფრო კონკრეტულად ტერორიზმთან ბრძოლაში.