23 წლის დანიელი სტუდენტი, რომელმაც „ისლამური სახელმწიფოს“ ასზე მეტი მებრძოლი მოკლა(ფოტოკოლაჟი)

ეს საინტერესოა - 12:53, 16 Feb, 2017

130742

23 წლის დანიელი სტუდენტის, იოანა ფალანის მოკვლისთვის , რადიკალურ ექსტრემისტულ დაჯგუფება „ისლამურ სახელმწიფოს“ 1 მილიონი აშშ დოლარი აქვს დაწესებული.

წარმოშობით ირანელი ქურთი იოანა ქურთულ ელიტურ შენაერთ „პეშმერგას“ რიგებში იბრძვის. მისი თქმით, როგორც სნაიპერს, ერაყსა და ირანში 100-ზე მეტი ტერორისტი ჰყავს მოკლული, თუმცა დანიაში მას ტერორისტად აღიქვამენ.

როგორც აღმოჩნდა, იოანამ, 2014 წელს კოპენჰაგენის უნივერსიტეტის პოლიტიკის ფაკულტეტი მიატოვა და სირიაში საომრად წავიდა.

ფალანი თავდაპირველად ასადის რეჟიმის წინააღმდეგ იბრძოდა, შემდეგ კი - ISIS- ის წინააღმდეგ მებრძოლთა რიგებს შეუერთდა.

სნაიპერმა იოანა ფალანიმ მონაწილეობა მიიღო სექსუალურ ძალადობასა და ტყვეობაში მყოფი იეზიდი ქალებისა და ბავშვების გათავისუფლების ოპერაციაში, შემდეგ კი მათი სურვილის თანახმად, ქალებს ბრძოლას ასწავლიდა.

იოანა ერაყის ქალაქ რამადაში, გაეროს ლტოლვილთა ბანაკში დაიბადა. მისი მამა და ბაბუაც „პეშმერგას“ რიგებში იბრძოდნენ.

მედიის ყურადღების ცენტრში იოანა 2015 წელს მოექცა, როდესაც დანიაში დაბრუნდასამთავრობო ძალებმა დააკავეს, თუმცა მალევე გაათავისუფლეს, მაგრამ კონფლიქტის ზონაში დაბრუნება აუკრძალეს. თუმცა 2016 წლის ივნისში ის სირიაში მაინც დაბრუნდა და ოქტომბრამდე იქ იმყოფებოდა.

იოანა, რომელიც ამჟამად დანიელ სამართალდამცავებს ემალება, MailOnline -თან ექსკლუზიურ ინტერვიუში განაცხადა, რომ ძალიან წუხს იმის გამო, მისი ქვეყნის კანონების დარღვევა მოუწია, მაგრამ სირიაში აუცილებლად უნდა დაბრუნებულიყო, რადგან ის უყურადღებოდ ვერ დატოვებდა იმ ქალებს, რომლესაც წვრთნიდა.

„ეს ჩემი არჩევანი იყო. არ მინდა "ისლამურმა სახელმწიფომ" ისეთი ზიანი მიაყენოს ევროპულ ქვეყნებსა ხალხს, როგორიც ქურთებს. ISIS-ის წინააღმდეგ ბრძოლაში მზად ვიყავი საკუთარი სიცოცხლეც დამეთმო. სამწუხაროა, რომ ჩემს ქვეყანაში ტეორორისტად აღმიქვამენ“ - განაცხადა იოანამ.

მას შემდეგ იოანა ფალანის პასპორტის გამოცვლა და ლოკაციების მუდმივად შეცვლა მოუწია.

"მუდმივად საცხოვრებელი სახლის შეცვლა ფინანსებთან არის დაკავშირებული. ხშირად მშია, მცივა. დანიის მთავრობა ცდილობს დაამტკიცოს, რომ მე ISIS-ის ტერორისტიდგან არაფრით განვსხვავდები, მაგრამ ეს სიმართლე არ არის. მე კრიმინალი არ ვარ" - აცხადებს იოანა.

მისი თქმით, ციხეში ყოფნისას გაიგო, რომ ISIS-მა მასზე ჯილდო დააწესა, 1 მილიონი აშშ დოლარის ოდენობის.

„ISIS-ს ჩემი მოკლვა სურს, მაგრამ უპირველესად უნდა სექს მონად მაქციოს.

მაგრამ ჩემი, როგორც ქალის სიყვარული თავისუფლების და დამოუკიდებლობისადმი იმაზე ძლიერია, ვიდრე ISIS-ის მონობის შიში. სწორედ ეს მამოძრავებს. შევეცდები მათ დავანახო, რომ მე ვარ თავისუფალი და დამოუკიდებელი ქალი. ამით დავამარცხებ მათ“ - ამბობს იოანა.