თეთრი სახლი: ტრამპმა იცოდა, რომ ფლინი რუსეთის ელჩთან სატელეფონო საუბრის დეტალებს მალავდა

მსოფლიო - 11:00, 15 Feb, 2017

2567

თეთრი სახლის პრესსპიკერის შონ სპაისერის განცხადებით, აშშ-ის პრეზიდენტი დონალდ ტრამპი ინფორმაციას ფლობდა, რომ მისმა მრჩეველმა უსაფრთხოების საკითხებში მაიკლ ფლინმა პრეზიდენტის ადმინისტრაციას სრული სიმართლე არ განუცხადა მისი და აშშ-ში რუსეთის ელჩის კონტაქტების შესახებ.

მისი თქმით, ჯერ კიდევ იანვრის ბოლოს , ტრამპმა იუსტიციის სამინისტროსგან მიიღო ინფორმაცია, რომ ფლინი მალავდა რამდენიმე სატელეფონო საუბრის დეტალს, რომელიც დეკემბერში, ჯერ კიდევ ტრამპის ინაუგურაციამდე, რუსეთის ფედერაციის ელჩთან სერგეი კისლიაკთან შედგა.

სპაისერის განცხადებით, ფლინმა თანამდებობა მაშინ დატოვა, როდესაც ეს მისადმი „ნდობის დაკარგვის გამო“ ტრამპმა მოითხოვა.

შეგახსენებთ, 13 თებერვალს, ეროვნული უსაფრთხოების მრჩეველი, მაიკ ფლინითანამდებინიდან გადადგა. საქმე ეხება მის ირგვლივ აგორებულ სკანდალს, რომლის მიხედვითაც, ფლინი ტრამპის პრეზიდენტობამდე, რუსეთის ფედერაციის ელჩს ესაუბრა და გააფრთხილა, რომ შეიძლებოდა, ობამას მოსკოვის წინააღმდეგ ახალი სანქციები მიეღო, თუმცა მას მომავალი პრეზიდენტი გააუქმებდა.

რუსეთის ელჩთან განხორციელებული ზარებით, ფლინს 1798 წელს მიღებული აქტის დარღვევას ედავებიან, რომლის თანახმადაც ამერიკის მოქალაქეებს , მათ ვისაც სათანადო უფლებამოსილება არ აქვთ მინიჭებული, ეკრძალებთ იმ უცხო ქვეყნის ოფიციალურ წარმომადგენლებთან მოლაპარაკებების გამართვა, რომელებიც პოზიციებთან წინააღმდეგობაში მოდიან.

თავად მაიკლ ფლინის განცხადებით, კისლიაკთან საუბრისას მას „ხაზი არ გადაუკვეთავს.“

თანამდებობიდან წასვლის შესახებ განცხადების გაკეთებამდე რამდენიმე საათით ადრე, Daily Caller -თან ინტერვიუში ფლინმა განაცხადა, რომ მას სანქციების საკითხები არ განუხილავს, არამედ ბარაკ ობამას მიერ აშშ-დან 35 რუსი დიპლომატის გაძევების შესახებ ისაუბრა, რაც მას შემდეგ მოხდა, რაც აშშ-მა რუსეთი საპრეზიდენტო არჩევნებზე გავლენის მოხდენის მიზნით კიბერშეტევაში დაადანაშაულა.

„მე ვთქვი: ვიცი, რაც მოხდა. ჩვენ ამ ყველაფერს კიდევ ერთხელ გადავხდედავთ. მე არასოდეს მითქვამს - ჩვენ გადავხედავთ სანქციებს. მსგავსი არაფერი ყოფილა“ - განაცხადა ფლინმა.