პოლიტიკური მოძრაობა „წინ“-ის საპრეზიდენტო კანდიდატის ემანუელ მაკრონის წინასაარჩევნო შტაბი რუსეთს არჩევნებში ჩარევაში ადანაშაულებს.

გენერალური მდივნის რიშარ ფერანის განცხადებით, შტაბი რუსეთის მხრიდან კიბერშეტევების ობიექტი გახდა.

მისი თქმით, მაკრონის წინასაარჩევნო კამპანიის საიტზე და მონაცემთა ბაზებზე კიბერშეტევები რუსეთის ტერიტორიიდან ხორციელდება.

ფერანის თქმით, რუსული მედიის მხრიდან მაკრონის წინააღმდეგ განხორციელებული საინფორმაციო ომი და კიბერ შეტევა იმიტომ ხორციელდება, "რომ ის მხარს უჭერს ძლიერ ევროპას."