თურქმენეთის საპრეზიდენტო არჩევნებში, მოქმედმა პრეზიდენტმა, „დემოკრატიული პარტიის” კანდიდატმა გურბანგულ ბერდიმუხამედოვმა გაიმარჯვა. მან ამომრჩეველთა ხმების 98% მიიღო.

თურქმენეთის ცენტრალური საარჩევნო კომისიის ინფორმაციით, არჩევნებზე მოქალაქეთა მაღალი აქტივობა დაფიქსირდა.

არჩევნებში მონაწილეობას სულ 8 კანდიდატი იღებდა.
ცენტრალური საარჩევნო კომისიის მონაცემებით, ბერდიმუხამედოვს ხმა 3,07 მილიონმა ადამიანმა მისცა. ჯერჯერობით უცნობია, როგორ გადანაწილდა ხმები დანარჩენ კანდიდატებ ს შორის.

ბერდიმუხამედოვისთვის ეს მესამე საპრეზიდენტო ვადაა. გასული წლის სექტემბერში მისივე ინიციატივით ქვეყნის კონსტიტუციაში ცვლილებები შევიდა, რომლითაც 70-წლიანი საპრეზიდენტო ასაკობრივი ზღვარი გაუქმნდა და საპრეზიდენტო ვადა ხუთიდან შვიდ წლამდე გაიზარდა.

გურბანგული ბერდიმუხამედოვი ხელისუფლებაში 2006 წელს მოვიდა, მას შემდეგ რაც წინა ლიდერი საფარმურატ ნიაზოვი მოულოდნელად გარდაიცვალა.

2012 წელს ბერდიმუხამედოვი მეორე ვადით აირჩიეს. მაშინ ამომრჩეველთა 97% მიიღო.