daily mail-ის ცნობით, უჩვეულო ინციდენტი მოხდა ტეხასში, სადაც უცნაური საქციელის გამო, ავიაკომპანია United Airlines-ის პილოტი უჩვეულო საქციელის გამო რეისიდან მოხსნეს.

მგზავრების განცხადებით, მფრინავი ქალბატონი თვითმფრინავის ბორტზე უნიფორმის გარეშე იმყოფებოდა. იგი არასტაბილურ ფსიქოლოგიურ მდგომარეობაში იყო, იგი მგზავრებს შეერთებული შტატების საპრეზიდენტო არჩევნების შესახებ ესაუბრებოდა და აცხადებდა, რომ ხმა არც ტრამპისთვის და არც კლინტონისთვის მიუცია, რადგან ორივე მატყუარები არიან. მან ასევე გაყრა და სხვა ხასიათის პრობლემები ახსენა.

მგზავრები შეშფოთდნენ და სოციალური ქსელის და მობილური ტელეფონის მეშვეობით აღნიშნული ფაქტი აეროპორტის შესაბამის სამსახურებს აცნობეს.

"მე იძულებული ვარ დავტოვო თვითმფრინავი, რადგან კაპიტანი აშკარად მენტალურად ჯანსაღ მდგომარეობაში არ იმყოფება" - წერდა ერთერთი მგზავრი ტვიტერში

პილოტის რეისიდან მოხსნის შემდეგ ავიოკომპანიამ ახლაი მფრინავი გამოიძახა, ხოლო რეისი ორი საათის დაგვიანებით განხორციელდა.

აღნიშნული ფაქტი ავიაკომპანიის წარმომადგენელმა ჩარლი ჰობარტმაც დაადასტურა და განაცხადა, რომ აუცილებლად გაარკვევენ, თუ როგორ მოხვდა მათი თანამშრომელი თვითმფრინავში უნიფორმის გარეშე. ავიაკომპანია ასევე აპირებს მფრინავთან გასაუბრებას ფსიქოლოგის თანდასწრებით.